萬千星輝2022|胡鴻鈞入圍「最佳男主角」無期望:一路都係陪跑

撰文:吳子生
出版:更新:

胡鴻鈞(Hubert)和鍾柔美(Yumi)今日(24/11)現身葵涌為《So Cool音樂》綵排。Hubert透露昨日剛從內地巡演回港:「稍後12月中便又要起程返內地繼續巡演,不過新年前就會返嚟過年。(會唔會帶埋小師妹返大陸掘金?)我諗呢啲未輪到我去決定,咁當然有佢哋在場梗係會為我演唱會添加更多嘅色彩,咁始終佢哋都仲讀緊書,都要佢哋想唔想。」身邊Yumi表示:「如果有咁嘅機會,咁我梗係想上去啦!」

胡鴻鈞有份被提名「最佳男主角」。(吳子生攝)

對於有份被提名「最佳男主角」,Hubert笑言:「我睇到自己有份被提名我都覺得出奇,因為今年我係冇作品。但原來喺舊年嘅12月套劇係計落今年度,咁所以我係非常之有幸份入圍嘅。(有冇信心攞獎?)我有信心出席頒獎禮。(覺得自己陪跑多?)一路以來都係陪跑,因為係電視呢個介界,其實唔係好關自己事,咁所以有得入圍,我已經好開心。」

胡鴻鈞和鍾柔美今日(24/11)現身葵涌為《So Cool音樂》綵排。(吳子生攝)