愛回家|蘇韻姿疑遲到得罪高層被飛出劇組 袁文傑:遲到梗係唔好

撰文:吳子生
出版:更新:

袁文傑今日(9/1)現身電視城出席無綫新劇《虛擬情人》拜神儀式。對於在《愛回家》劇中飾演熊心如一角的蘇韻姿,近日被指戲屎兼遲到得罪高層,疑犯眾憎被飛出劇組。袁文傑表示:「其實蘇韻姿喺我心目中佢係一名乖乖女嚟,同埋佢係好投入去做每一場戲,咁我好希望可以快啲見返佢,(傳佢遲到係事實?)其實我喺裡面,我同滕麗明嗰條線就比較多,所以我就冇見過佢遲到。(劇組對佢有怨言?)咁我又冇聽過,而家聽到佢有咁嘅消息,我係好突然。不過我好相信可以好快又會見到佢。(咁你就返工千祈唔好遲到!)咁梗係啦,我哋呢啲都一把年紀,都冇咩淨低,唯有以身作則啦!」

袁文傑透露自己在無綫開工未曾遲到過。(葉志明攝)

被問到曾經有否在拍劇時遲到?袁文傑表示:「拍劇遲到梗係唔好啦,我喺呢度冇遲到,不過喺隔離台就總有一兩次試過。好記得有次係病到7彩開唔到工,諗住打返公司請假,但當時套劇連續3日都係我嘅主景,變咗我係無可能自己唔喺度,於是死都要死返去完成埋佢。咁所以憑住呢次嘅經驗話俾自己知。只要自己仲未瞓低,仲有一息尚存,我都要繼續開工。」

袁文傑透露自己在無綫開工未曾遲到過。(葉志明攝)

愛回家|「熊心如」蘇韻姿突然離開熊家 原因是什麼?

蘇韻姿憑住演出處境劇《愛.回家之開心速遞》飾演熊心如一角成功入屋,角色亦受到劇迷與網民的喜愛。有傳蘇韻姿曾經在拍劇期間遲大到,甚至不肯認錯,遲到後竟將卸責任落助導身上,結果犯罪憎。據悉高層亦曾就有關事件開咪指摘訓示過蘇韻姿,可是她卻屢勸不改,結果...【詳細內容】

愛回家|「熊心如」蘇韻姿角色討喜 真人原來暗藏好身材?

TVB處境劇《愛‧回家之開心速遞》飾演熊心如的蘇韻姿顏值出眾,心如呢個角色平時打扮都是密密實實,原來她暗藏完美身材。早前穿上性感的運動服上陣,一副戰鬥格十分吸睛...【點擊看更多靚相】