港姐林鈺洧私下夜訪露宿者 見慘況感難過：好唔開心
撰文：吳子生
出版：更新：
港姐林鈺洧（Denice）今日（11/4）現身深水埗出席派飯活動。Denice表示：「今次係我第二次落區派飯，對上一次係我個人名義同幾個朋友去咗深水埗露宿者集中聚居嘅地方都派飯，我見到佢哋嘅處境，我係有眼濕濕，我係好唔開心，畢竟我係知道香港有貧富懸殊，但我係唔知道會咁惡劣。經過嗰次嘅探訪之後，我覺得自己係好幸福，令我明白到要知足常樂，亦都要有感恩嘅心。」
林鈺洧落手落腳派飯。（葉志明攝）
Denice希望在不久將來能夠成立一個慈善機構，幫助弱勢社群：「其實呢個諗法，我係諗咗好耐，明白到自己冇乜知名度，所以我先去選香港小姐。呢一年我透過唔同嘅方式，都認識咗好多唔同嘅慈善團體嘅高層，亦都問咗佢哋好多唔同嘅建議，請教咗佢哋好多，希望可以學做呢一樣嘢，然後將呢件事可以發生。」
齊齊落深水埗區派飯。（葉志明攝）
林鈺洧希望不久將來，自己能夠成立慈善團體，幫助弱勢社群。（葉志明攝）