獎門人｜金剛回歸啜紫菜大戰女神好艷福：一個人唔可以娶太多老婆

TVB特備節目《鄰住買特約：獎門人開心消費感謝祭》將於今晚（16日）開播，除了有「獎門人」曾志偉帶領「獎老」錢嘉樂、阮兆祥、麥美恩、林秀怡和程浩駿擔任主持外，還有暌違6年的金剛回歸做「獎老」。

金剛回歸獲獎門人志偉大派福利，安排他與同隊所有靚女車輪戰玩啜紫菜，他與余思霆表現曖昧，睇到錢嘉樂都表示眼冤。不過當金剛遇上守尾門的麥美恩時，他隨即被女方飛擒大咬，兩人更仆倒在地上。啜完一Round後，獎門人再命令金剛啜多Round，金剛立即頂唔順大嗌：「原來一個人真係唔可以娶太多老婆，真係會腳軟！」笑爆全場。

「開心無敵以訛傳訛」環節同樣精彩，視帝馬國明大晒好演技，一人分飾兩角扮演婦科醫生時和大肚婆瞓地慘叫，其精湛演出令隊友一睇立即猜中答案，獎門人都大讚他演技精彩。至於張頴康演繹「鴛鴦戲水」時，則因做了一個奇怪動作而引起隊員誤會，丁子朗更因想入非非答出令人尷尬答案，觀眾要唔密切留意今晚節目播出。