【獨家回應.有片】方力申硬撬牆腳? 沙律咁樣講

撰文:何志衡
出版:更新:
方力申與鄧麗欣上年3月宣布分手後,先後傳出多單緋聞。
沙律最近剪了一頭短髮,接受《香港01》專訪期間回應與方力申的緋聞。(何志衡攝)

方力申自從跟鄧麗欣(Stephy)分手後緋聞未停過,先有賭王三房千金何超蓮,後有新一代女神陳瀅,而日前更傳出她秘戀沙律(張沛樂),明撬《點五步》主角林耀聲牆腳。而一直未有回應的沙律,獨家接受了《香港01》訪問回應事件,澄清方力申唔係佢杯茶。

沙律跟林耀聲拍拖剛好一週年,兩人經常在公眾場合提起對方,是公認的一對,究竟方力申有否展開追求呢?沙律說:「我同林耀聲感情比較穩定,所以冇第三者加入。」她強調傳聞指方力申跟她秘密旅遊又相約做gym和游水統統是假:「梗係冇啦!我一直有喺facebook update我喺香港,你問我男朋友就最清楚(他信任你嗎?)梗係信啦!我有同佢講呢單新聞,佢話:『我信你咪得囉!』」

其實方力申與沙律的緋聞已傳了一段時間,全因ViuTV的《美選D.n.A》選美節目而起,沙律在其中一個環節中要嘗試誘惑方力申,她與方力申面貼面、鼻對鼻的親密動作惹人瑕想,不過沙律指方力申從來冇索取她的電話號碼:「其實佢冇我電話,我認識嘅方生比較小心同謹慎,唔會抄女仔牌(索取電話號碼)同埋選美咁多女仔好容易引起誤會,所以冇交換電話。而家嘅狀態係我同佢冇聯絡,只係有活動大家需要出席,見到咪say個hi,只係基本嘢,咁佢單身識下女仔好正常啫!唔通禁止同女性講嘢咩!」

對於方力申緋聞一籮籮,沙律則有睇法:「我覺得唔係(花弗),我覺得佢幾認真,我都唔想評論,講真我又唔係幾了解佢。我認識嘅佢,好多嘢都係假。」沙律所指的假是指傳聞:「之前啲傳聞,傳好多佢同啲女仔點點點,我覺得係假,傳之嘛,我又唔信呀。」她說即使方力申真係向她展開追求也不會接受:「我好少睇條件,我睇feel囉,我同而家男朋友嗰隻feel最好囉!」

林耀聲和沙律拍拖剛剛1年,沙律稱對方對自己絕對信任。
你可能感興趣