59歲古明華拓展飲食王國街邊賣魚蛋燒賣 請神秘前TVB男星做拍檔
撰文：邱愛霖
出版：更新：
現年59歲的古明華2020年離開了效力26年的TVB，他近年轉戰內地飲食業，在江門開平價茶餐廳，更親自做生招牌宣傳，親力親為沖奶茶，相當上心。
古明華在江門開了一間主打港式茶餐廳美食的餐廳。（微博圖片）
古明華日前更新社交網狀況，原來他決意擴展飲食王國版圖，走到街頭開小食檔賣咖哩魚蛋燒賣，仲搵咗前TVB藝人、近年同樣轉戰內地的舊同事湯俊明幫手。片段中可見，古明華同湯俊明一齊搬廚具上車，運送至小食檔，古明華教湯俊明篤咖哩魚蛋及燒賣，仲大讚湯俊明上手快，「似模似樣，頭先同佢講咗一次，即刻識做。」相當有老闆架勢。
古明華同湯俊明一齊開小食檔。（抖音）
及後古明華同湯俊明在街邊叫賣，對合照也有求必應，而兩位做生招牌果然有效果，引來多位市民畀錢買小食。古明華更風趣重演電影《國產凌凌漆》貪污收錢放走周星馳片段。最後兩人當日共賺到800多元收入，看來古明華頗有做生意天分。
點擊睇古明華湯俊明開小食檔：
+4
古明華電影《國產凌凌漆》收錢放走周星馳經典一幕：
+10
古明華開平價茶餐廳：
+27