支嚳儀赴大馬烘焙店慶3周年 機上遇粉絲求合照：可唔可以開美顏
撰文：吳子生
出版：更新：
支嚳儀今日（7/11）現身將軍澳出席《善心滿載仁愛堂》記者會。支嚳儀早前趁住馬來西亞烘焙分店3周年，特意飛到當地舉行慶祝活動，並吸引大馬粉絲到場支持，場面熱鬧。
支嚳儀和冶鋪同事合照。
支嚳儀接受《香港01》訪問時表示：「其實我對上一次去吉隆坡已經係5年前，當時仲未有我嘅品牌，我仲同埋同我哋啲圈隊喺嗰邊搵鋪，但一眨眼就係5年之後，發覺佢哋已經開咗3年嘅時間。今次之行，我係估唔到因為《中年好聲音》令到咁多人識我，最搞笑係，我坐飛機去緊當地嘅時候，我望到機上我左右兩邊，啲人係睇緊《中年好聲音》。睇睇吓，我隔離位個女士望一望我，好驚訝咁望住我『你咪係支嚳儀』，然後問我可唔可以影合照，我話梗係可以，仲講影嘅時候可唔可以開美顏，哈哈！我真係估唔到會有咁多人睇《中年好聲音》，真係幫我成就解鎖。」
支嚳儀赴大馬烘焙店慶3周年。
支嚳儀今日現身將軍澳出席《善心滿載仁愛堂》記者會。（陳順禎攝）