美斯訪港｜兩母子一齊入場 媽媽撐姜濤 兒子睇美斯
撰文：普利森
出版：更新：
美斯隨國際邁亞密（又譯國際邁阿密）訪港，更有MIRROR成員姜濤、ANSON LO、Gareth T湯令山及GEM鄧紫棋做表演嘉賓，娛樂與體育「聯乘」吸引了一對母子入場，大家各有目標。
採訪及攝影：袁志浩、趙子晉
姜濤加美斯的戲碼吸引了一對母子一起入球。媽媽是「姜糖」，日前觀看MIRROR演唱會後，今日再入大球場撐姜濤。不願出鏡的她本身也是球迷，觀看英超為主，「巴塞少啲睇」，不過原本沒打算購票入場，但姜濤擔任是日表演嘉賓消息一出，她立即改變主意：「其實美斯啲飛都燶燶哋，MIRROR演唱會難買好多！難得有國際級球賽在香港舉行，與兒子一起入場也是好事，大家平時都會一齊睇波。」
媽媽以姜濤為目標，仔仔Ian就非常期待一睹美斯風采：「自『MSN』年代就睇美斯，今日最想睇佢，仲有碧咸，我都希望見到碧咸。」（編按：MSN指Messi美斯、Suarez蘇亞雷斯及Neymar尼馬）
「姜糖」媽媽帶同應援物品睇支持姜濤。（趙子晉攝）
兒子Ian和媽媽一起入場睇波，媽媽睇姜濤，兒子與同學一起睇美斯。（趙子晉攝）