政壇諸事町|豪花消費券 田北辰走入熱廚房「玩火」爆炒龍蝦

撰文:高振東
出版:更新:

首批消費券早在8月1日開始發放,市民都開始討論如何善用。實政圓桌立法會議員田北辰早前到屯門良景市集,利用消費券的1,300元「豪買」海鮮,稱要煮一頓海鮮大餐慰勞同事。
今日(4日)「廚辰」在社交網站發布自己「處男下海」爆炒薑蔥龍蝦的影片,雖則「廚辰」稱是鮮有下廚宴請同事,但從影片可見大家都食得滋味,看來田北辰的廚藝頗有天份!

+3

廚辰:奧運啟發要突破自我

田北辰提到自己親自下廚的原因,是希望能夠如奧運運動員一樣突破自我、破個人紀錄及不斷進步,他親自爆炒近千元的「田式薑蔥龍蝦」正正是一項個人突破。另外,他希望透過宴請同事感謝他們一路以來的付出。

影片中可見,雖然「廚辰」動作生疏,但絕對是信心十足,在灒酒噴火的一刻毫不手軟,拋鑊有一定功架不會跌到「一枱都係」,看來「廚辰」的確可以不斷突破自我,挑戰更多菜式。

「廚辰」同事還蒸了一條兩斤重的老虎斑,以及煮了一味絲瓜浸花甲,配上無酒精啤酒,大家吃得津津有味。田北辰強調,最緊要大家可以善用消費券和用得開心。

廚辰再入熱廚房 噴火龍蝦宴同事

廚辰再入熱廚房 噴火龍蝦宴同事 知道我要用消費券買餸落廚請客後,我啲同事咁講:煮嗰個瞓得着,食嗰個瞓唔着。 我第一個反應係:你聽日唔洗返工喇………去廚房等食啦。 戴定頭盔先,煮飯我真係唔叻,不過「講心又講金」應該加啲分。由劏龍蝦🦞到落鑊炒,仲附送灒酒噴火環節,對我嚟講都係新挑戰。最近奧運啟發我,好多運動員之所以打動觀眾,唔一定因為最終名次,而係突破個人紀錄、不斷進步嘅表現。我今次煮呢味「薑蔥炒龍蝦」都算係個人最佳記錄,下次就更有信心挑戰其他菜式啦!至於成品味道如何?10分鐘內清晒,同事反應都幾好(大家可以幫手睇睇係咪戲子)。 一個團隊teamwork最重要,所以之後徐曉杰都自告奮勇幫手蒸老虎斑,莊豪鋒同鄭捷彬就幫手整勝瓜煮花甲,老實講……真係好食喎!平時佢哋同我落區,日灑雨淋,做完嘢又要趕下場,難得有機會聚首,邊煮邊食,歎罐無酒精啤酒,真係好滿足!食完又充滿能量繼續服務啦! 如果大家都想知「田式薑蔥炒龍蝦」點整,歡迎留言「我想要食譜」,我會pm畀大家~👨‍🍳

Posted by 田北辰 Michael Tien on Tuesday, 3 August 2021