【旺角．甜品】IG超人氣打卡甜品　全港首間拉花果昔糖水舖

拉花咖啡已經興起多年，由平面玩到3D都有，不過自去年開始日本卻興起了一種拉花果昔，在蔬果汁和果味拉昔上拉出不同圖案，如藝術品般的外表馬上讓人少女心爆發，也成為人氣度極高的飲品！原來這個風氣也在幾個月前傳到香港，一間大約半年前新開的港式甜品店，也創作出自家「思慕雪」，拉花的果味奶昔以及自家製的「水果星球」令它火速竄紅，成為了旺角區打卡甜品店之一！
攝影：朱潤富

粒粒果甜品有8款思慕雪（Smoothie），粉色系奶昔配上拉花圖案，實在很能討女生歡心，老闆之一的Wing也坦言靈感來自日本甜品，「我哋個靈感都係嚟自於日本，暫時日本係整思慕雪拉花最靚嘅，有啲影片報道返佢哋嘅製作過程，我哋從中睇到，又嘗試研究唔同方法，最後都試到呢個思慕雪。」

水果拉昔的拉花跟咖啡拉花不同，果昔拉花是以果醬跟拉花針來製作，不過每杯飲品都需要至少15分鐘時間炮製，可謂慢工出細貨，因此店主只會在晚上8點前供應思慕雪系列，「因為拉花需要時間，切生果片亦製作需時，8點後我哋Suppose係Peak Hour，啲人會排晒隊，如果一個甜品等太耐，啲人會等到唔耐煩，所以索性8點後唔賣。」除了拉花需時外，每杯思慕雪都是即叫即打，不能預先打定，否則飲品會有沉澱和分層的情況出現，做出來就不好看，會令客人失望，因此店家才決定只在非繁忙時段供應。

拉花是一門易學難精的手藝，不過Wing亦大方答應記者的要求，讓我們進廚房直擊師傅拉花的過程。

按圖即睇拉花過程及不失敗秘訣！

無可否認很多人衝著思慕雪而來，而且不論男女都會「相機食先」，Wing就見過不少客人拿著這杯飲品大影特影，還會走到店裡不同角落影餐飽。縱然如此，Wing坦言他們最主打和最好賣的產品卻並非這一款，那究竟是甚麼？原來是水果星球！Wing親自解畫：「思慕雪唔係最受歡迎，一來8點後冇供應，同埋我哋冇力推呢隻，因為如果力推嘅話更加供應唔切。其實我哋舖面啲宣傳都係攞水果星球做主打，係好特別嘅一個波波，入面係生果肉，其他地方都冇。」

按圖即睇更多同店打卡甜品及介紹！

粒粒果甜品
地址：旺角廣華街3號百利達廣場地下1號舖
電話：2377 9388