【香港好去處】冒險樂園Planet J銅鑼灣新場 記者實試VR飄移賽車

撰文:
最後更新日期:

冒險樂園好似只係小朋友遊玩皇國,最近大人都可以玩餐飽喇!冒險樂園新品牌「Planet J Hong Kong」在銅鑼灣時代廣場開設新分店,引入好多大人都啱玩的特色新遊戲,包括VR遊戲區、飄移賽車跑道、Beat Saber 街機等等大人都玩得開心的玩意,記者到現場玩過果然無失望,以後大小朋友到銅鑼灣有多個好去處喇!

攝影:繆鈞堤

Planet J 場地佔地1萬呎,現場最吸睛的有這款「夢幻糖果」色系波波池,但只有小朋友先可以玩呀!

1萬呎新場 引入大人潮流玩意 

要在銅鑼灣區找大人小朋友都啱玩嘅好去處唔容易,位於皇室堡的分店「Planet J  Kids」只主打小朋友遊戲,最近,在時代廣場9樓新開業了這間「Planet J」就兼顧埋大朋友,引入4款兼具潮流元素的好玩新遊戲,除了傳統的夾公仔機、拋彩虹、波波池外,仲可以玩埋刺激緊張的新遊戲。

不要睇小這個飄移賽車場,記者試玩小型cart 車感覺速度相當快!

都市玩飄移 Crazy Cart鬧市飛車

記者先被「Crazy Cart 鬧市飛車」所吸引,居然可在鬧市玩到「飛車」,以為這個1千呎賽車場一如以往只給小朋友玩,怎知條件是歡迎9歲以上、身高120cm、體重不超過63kg嘅參加者都可以落場玩,記者完全符合這些條件,所以就立即上車一試!

操作這輛 Cart 車其實好簡單,只需踩油、扭軚盤和甩尾棍,就可以玩到飛車和玩甩尾效果!試玩了3至4分鐘,覺得車速真係幾快,而且甩尾棍亦容易操控,可以流暢玩甩尾,好有成功感!而由於車速真係幾快,大人參加者都需要帶上頭盔,小朋友則要帶上頭盔加護踭護膝,再由工作人員講解一次玩法,先可以開車,最緊要安全至上。

▼▼按下圖看更多Crazy Cart 鬧市飛車相片▼▼

音樂狂熱 Beat Saber街機

在外國興起了一段日子的Beat Saber 街機,今次首度引入香港。Beat Saber 可讓玩家在 VR 虛擬空間中按音樂擺動手上「光劍」,做出上下左右動作,擊碎畫面中的音樂方塊。Beat Saber 曾經在2018 年 5 月推出,隨後8 月曾經舉辦過「國際Beat Saber 錦標賽」。而這款Beat Saber 街機更可選配K- Pop 歌曲,記者戴上VR試玩光劍斬音符時,都覺得自己好似Star Wars上身咁,很好玩!

▼▼按下圖看更多 Beat Saber 相片▼▼

+2
+2
+2

VR Zone 多款自家研發VR遊戲

VR遊戲雖不是新鮮事,但在這裡玩的VR遊戲種類不限於成年人的射擊遊戲,還有這裡自家開發的「橙皮兔」大冒險遊戲。其中記者試玩了VR打喪屍,覺得刺激度一般;反而「橙皮兔與時鐘怪」及「VR 迷宮」可與朋友一起玩大冒險及打大佬遊戲,是「made in HK」少見的歷險類VR 遊戲,兩個人一齊合作解謎闖關,真係好好玩!

▼▼按下圖看更多 VR Zone 相片▼▼

+3
+3
+3

Planet J 其他遊戲:

Planet J

地址:銅鑼灣時代廣場 Square on 9F

查詢電話:2385 6518



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。