大埔餐廳桌上驚現大老鼠　埋頭清潔鼠毛　網民震驚：以為係貓！

本港鼠患問題一直令人關注！近日網上流傳影片，指大埔新達廣場1間餐廳的餐枱上，驚現1隻大老鼠，只見牠站在桌上，埋頭專注地「清潔」自己毛髮，看似十分淡定。影片引來大批網民討論，有人指該隻老鼠體型龐大，清潔的動作猶如貓咪，「貓扮老鼠，做臥底睇場」、「隻老鼠有貓嘅習慣喎」、「我睇咗一陣，以為係隻貓」。

有網民日前在facebook群組上傳長10秒影片，顯示大埔新達廣場1間餐廳的餐桌上，有1隻大老鼠不停整理毛髮，似在清潔自己的身體。片主沒有提及拍攝時間，而在片中亦未見有任何食客和員工，可能是非營業時間。

影片掀起不少網民熱議，有人「大讚」片中的老鼠整潔，笑言「有人養㗎啦！咁靚」、「（鼠）店長好乾淨，應該仲可以摸頭同拍pat pat」、「愛乾淨的老鼠」、「舔毛緊沖涼」、「老鼠呢講佢都算乾淨喎」、「污穢係世人對佢嘅誤解，鼠店長」。部份人則指該隻大老鼠的舉動與貓咪非常相似，「大到成隻貓咁」、「好大隻呀，大到成隻貓仔咁，連行為都係」。