港男頭上驚現14粒！「麝香葡萄」真身嚇死人　網民︰人頭都唔放過

踏入春季，荔枝椿象（又稱「荔蝽」、臭屁蟲）到處產卵，14粒綠色蟲卵經常現身家居各處，其中以新界區為甚，更被網民稱為「大埔名物」，惟沒料到竟然生到人的頭上！有港男在發帖上載照片，可見其頭髮上有14粒荔枝椿象綠色蟲卵，驚問「點解要喺我個頭播種？」。網民笑言「以為頭飾」、「你個頭應該唔慌（乾淨）」、「真心笑咗」，亦有人直言「好恐怖」、「好驚嚇」。

樓主在facebook群組「香港自然生態論壇」上載1張相片，可見他彎腰拍攝後腦位置，14粒「麝香葡萄」安穩貼近其頭髮，不為意下還以為是頭飾，但樓主知道其實是荔枝椿象的綠色蟲卵。解釋在家中剛趕走荔枝椿象，隨後才發現自己後腦有異樣，不禁驚問「點解要喺我個頭播種？」。

多名網民笑言「後面你都睇到，好彩啫」、「荔蝽好喜歡在黑色物件上產卵」、「個人整潔都好緊要，問吓自己幾耐冇洗頭」、「成束頭髮剪會快啲」，亦有人形容「好恐怖，即刻頭發麻」、「嘩，好恐佈，停留咗喺個頭幾耐？」。

（facebook群組「香港自然生態論壇」）