巴士上層企到滿!港男影相公審斥2事更擾民 網民:危險累街坊

撰文:喬納森
出版:更新:

巴士上層不可站立免生意外。有港男在網上發相,大呻在來回天水圍與深圳灣口岸的B2P巴士上層,走廊站滿了乘客,「講普通話嘅可唔可以遵守返啲規矩」,他指有人在大聲講普通話,亦有人在播TikTok,不但十分嘈吵,更是滿佈危機,「有危險係咪你哋負責」。帖文引來不少網民熱議,不少人也鬧爆好危險,巴士上層不應站立,「危險累街坊」、「好危險,會翻車㗎!」、「最癲係啲司機唔理照開車」。

樓主大呻巴士上層企滿乘客十分危險。(Threads圖片)

港男呻巴士上層企滿人好危險

有港男在社交平台Threads上發相發文,大呻早前乘坐來回天水圍與深圳灣口岸的B2P巴士,他在上層見到車廂走廊,見到站滿了乘客,「講普通話嘅可唔可以遵守返啲規矩」 ,最離譜的是「仲要大大聲講普通話,播TikTok」。樓主大鬧乘客的行為不僅擾民,還十分危險「架巴士唔係得你哋㗎」、「有危險係咪你哋負責」。

網民都鬧:好危險,會翻車㗎!

不少網民在帖文留言,大鬧「危險累街坊」、「好危險,會翻車㗎!」、「最癲係啲司機唔理照開車」。有人解釋「其實上層唔企人係因為驚上層太重轉灣會翻車,係重心問題」、「撞車撞爆玻璃飛出車就唔好叫啦,除咗衝力大仲會飛出街」。

樓主指有人在大聲說話及播片,大鬧:有危險係咪你哋負責?(Threads圖片)

網民建議要向車長投訴

有網民表示要立即制止「呢啲情況要直接X,有人出聲佢哋就驚,如果有咩急停,佢哋個個變人肉保齡球,佢哋真係一啲常識都冇」,有人建議要立即向車長反映,「一定要同司機投訴」、「聽過幾次車長開咪叫樓上企緊嘅乘客返落嚟,今次應該要去投訴」,有人指發聲是有效的,「琴日遇到大陸婆拖住個細路仔企上層,有個男乘客出聲話上層唔企得,個老X仲用普通話話下面無位企,X到佢去返樓梯口,最後唔夠一分鐘,司機開大咪叫返佢落去」。

根據《公共巴士服務規例》(第230A章),巴士移動時,乘客不得在巴士上層站立,亦不可以在通道以外的任何巴士部份站立,但通道並不包括樓梯。故此,在巴士移動時,乘客不可站在樓梯,如無合理辯解即屬犯罪,可處罰款2,000元。