港媽鬧夾糖店糖果無「蔬果味」 怪獸家長:我個仔點吸收營養?

撰文:
最後更新日期:

糖果吃得多沒營養是常識吧!有糖果店老闆近日向facebook專頁「西客之道」投稿,指遇到一名怪獸家長投訴,竟責怪店內售賣的糖果「冇蔬果味」,質疑其兒子吃下去「點可以吸收到營養啊?」令他感到非常無奈。

有糖果店老闆分享,曾遇到一名怪獸家長投訴,竟責怪店內售賣的糖果「冇蔬果味」,質疑其兒子吃下去「點可以吸收到營養啊?」圖為示意圖。(視覺中國)

下載「香港01」App ,即睇城中熱話:https://hk01.app.link/l7U1Y7t5LO

有自稱是售賣糖果零食的網民近日投稿至「西客之道」,指遇到一位媽媽氣沖沖地闖進糖果店,劈頭大呼「叫你老細出嚟」,又投訴「上次我個仔幫襯你哋,夾咗袋糖,但全部都係糖,綠色果啲又無蔬果味,我個仔點可以吸收到營養啊?你知唔知佢會食壞肚架?」

這位媽媽的投訴令樓主感莫名其妙,但仍嘗試解釋「綠色糖其實有好多款,但主要都係糖果而唔係蔬果,不如試下俾多啲菜同生果小朋友食?」怎料樓主回覆進一步惹怒媽媽,令她拍桌大罵,「你咩態度啊?我點湊仔唔使你教,你叫你老細畀個交代嚟!」

樓主唯有致電給另一同事,並在店內用擴音通話,接電話的同事獲知事件,也忍不住大罵怪獸家長,「你估我好得閒啊,你個仔唔食菜關我L事……寧願畀糖自己個仔食都唔買菜,知唔知個醜字點寫啊?」其後乾脆收線了事,殺怪獸家長一個措手不及。怪獸媽媽拒不認輸仍死撐,「你老細係咪開門做生意啊?咁都唔識應對」,惟最終也受不了其他客人眼光,敗走離場。

這則帖文引起網民熱議,有人揶揄稱「長知識鳥,食糖吸收營養」、「依家先知夾夾下糖都可以夾到蔬果」;另有人建議想吸收營養可以食肝油丸或維他命糖,又或「食蔬菜味薯條好似貼題啲喎」;有人則批評,「香港生仔真係要考牌,佢都痴(黐)線嘅。食綠色嘅糖點會有蔬菜味啊?」

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。