叫咗唔好都要拆開 厚面皮港客試產品後拒付款:平畀我就買

撰文:
最後更新日期:

不少店舖為客人提供產品試用服務,原意讓顧客嘗試後可選到心儀產品,但這貼心服務卻成為某些麻煩客人「搵着數」的大好機會。有任職個人護理產品店的職員日前於facebook撰文,稱曾遇過客人擅自打開產品試用,答應試用完會購買最後食言,付款時更無賴地要求「一係你平畀我啦我買埋佢」,令樓主相當氣憤,直指「開人哋嘅貨嚟試,其實真係自私到極點嘅行為」。

不少店舖均提供產品試用服務,卻有麻煩客人藉機「搵着數」。圖為示意圖。(GettyImages)

有於個人護理產品店任職的店員發文大呻遇上自私客人之苦。(fb專頁「西客之道 HIspitality Secret」截圖)

下載「香港01App ,即睇城中熱話:https://hk01.app.link/qIZYuEC5LO

該名於個人護理產品店任職的店員,早前投稿至fb專頁「西客之道 HIspitality Secret」,大呻遇上自私客人之苦。樓主說,經常遇到客人未有詢問或通知的情況下擅自打開產品試用,然後放回貨架,但這些已打開的產品留下不同客人的「痕跡」,不能再次售出,只能被迫成為試用品,「間舖開開埋埋嘅tester 就係咁儲返嚟喇」。

樓主提到,投稿當日遇上一名客人詢問可否試用產品,他禮貌表示不能試用後,對方繼續要求打開產品「聞下味」,他只好照辦,然後繼續協助其他客人。不料當樓主應付其他客人時,「轉個頭10秒時間,呢位客人即拎起支嘢,倒落自己手背,跟住聞」。

樓主指曾遇過客人在未有詢問的情況下擅自打開產品試用。圖為示意圖。(GettyImages)

樓主即時上前,向該名擅自打開貨品試用的客人表示:「講咗無得試,咁樣支嘢唔賣得㗎喎。」對方即回覆會購買相關產品。至付款時,該名客人卻只購買另外兩件產品,並指着他曾打開及試用的產品稱:「呢支唔買住,未出糧下次先買,一係你平畀我啦我買埋佢。」

樓主未有交代如何回應客人的無賴要求,但回想事件時仍非常氣憤,怒斥「一開始已經話唔試得,試完你話買,畀錢嘅話唔買?仲要話平畀你?你係咪慣犯嚟㗎?」他又指,擅自打開貨品是「自私到極點嘅行為」,形容「去超市買豆豉鯪魚,唔知邊個好味,你又開嚟聞,沐浴露唔知邊支好用你倒返屋企試?」

原本答應會購買產品的客人,付款時就表示因「未出糧」而拒絕購買,更無賴地要求「一係你平畀我啦我買埋佢」。圖為示意圖。(GettyImages)

帖文引起網民討論,有人認為如客人未有詢問之下便開啟貨品及拒絕付款,行為其實與損毀貨品一樣,「零售真係遇唔少呢啲試嘢人,見到就叫佢一定要買」,「啲人係唔畀個教訓佢唔得嘅, 以為咩都可以隨心試」。

亦有人認為樓主不應讓客人打開產品後不負責任地離開,建議他要求該客人先付款,否則報警處理,「平啲就買埋佢喎,根本就係賤精出cheap招」,「唔比佢買另外兩個,淨賣用過嗰枝,唔買就報警」。

(fb專頁「西客之道 HIspitality Secret」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。