母嫌棄男友住公屋 叫女兒搵有錢有樓好男人 連登絲打灰爆求教

撰文:
最後更新日期:

早年一篇公屋潮文《公屋.居屋.私樓》(或稱《女朋友帶你返屋企食飯》)引起大批港男共鳴,反映年輕一代上車難的悲哀。有連登「絲打」近日發文,稱媽媽就如潮文中的外母,經常嫌棄其居於公屋的男友,直指男友將來無能力養起她,故發文向一眾網民求救:「有冇方法讓我媽接受佢?」帖文引起網民討論,眾人對「愛情與麵包」的抉擇各有不同看法。

早年一篇「潮文」《公屋.居屋.私樓》引起年輕一代共鳴,反映年輕一代上車難的悲哀。(資料圖片)

樓主稱媽媽經常數落男友,指對方住公屋,將來無能力照顧她。(連登討論匿截圖)

下載「香港01App ,即睇城中熱話:https://hk01.app.link/qIZYuEC5LO

有連登絲打昨發文,稱自己有一名關係穩定的的男友,兩人拍拖數年,曾共同規劃未來,惟當樓主的媽媽得知男友居於公屋後,非常反對兩人交往,「成日一唔滿意就拎我男朋友岀嚟講,畀說話我聽,話佢窮、住公屋樓都無,將來一定養唔起我」。

樓主稱,媽媽不但嫌棄男友,更叫她「搵個有錢有樓好男人」,但她「直到依一刻我都無想過要分手」,並指男友雖然沒有亮麗背景,出生於單親家庭及居於公屋,但性格不錯,「佢係個好開朗、有上進心嘅人」,反認為媽媽的想法才是不實際,「好老實講,人地有錢點會睇得上我,而且我生活圈子亦識唔到」,故發文向網民求救,請教讓媽媽接受男友的方法。

帖文引起熱烈討論,有網民大嘆時代轉變,傳統的觀念卻繼續影響一眾父母,直指「你的未來應該由你自己掌握」,「揀另一半嘅人係你,你自己鍾意唔後悔就得」,又批評樓主母親未有為女兒的終身幸福着想,「竟然係睇個女婿家境而唔係睇佢對自己個女好唔好」。

樓主媽媽不但嫌棄男友,更叫她「搵個有錢有樓好男人」。(《燦爛的外母》劇照)

+7
+6
+5

不過,有網民則認為樓主媽媽的說法或行為雖然難以接受,卻是出於對其日後生活的擔心,「想你生活有保障,都叫做想你好,唔應該怪佢」;亦有網民指出時代不如以前,即使樓主與男友有意發展下去,都要認真思考現實問題,「你同bf(即男友)繼續一齊,之後如果結婚係咪搬去同佢屋企人住?到時咩愛情感覺都可以好快磨滅晒」,「你哋雙方唔介意窮但將來一定好多嘢都會為錢嘈」。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。