野蠻客摸門釘後致電發難 婚紗店主霸氣KO:未幫襯都唔算係我個客

撰文:
最後更新日期:

任職服務業的打工仔遇上麻煩客人時,大多會「硬食」避免影響工作,但有經營婚紗店的網民則選擇不妥協,撰文記錄自己擊退野蠻客人的經歷。她在facebook表示曾遇女客人「摸門釘」後致電發難,甚至爆粗怒罵,令她忍無可忍回覆稱:「你一日未幫襯我都唔算係我個客」,霸氣回應獲得多名同業讚好。

有經營婚紗店的網民撰文記錄自己擊退野蠻客人的經歷,獲多名網民讚好。(GettyImages)

下載「香港01App ,即睇城中熱話:https://hk01.app.link/qIZYuEC5LO

該名婚紗店主早前於facebook專頁「西客之道」投稿,稱其店為了方便客人放工後參觀,營業時間訂於3時,收鋪時間則無下限,雖然網頁及fb專頁均寫明開舖時間,但她稱不時仍有客人致電查詢,而其中一次更遇上野蠻女客人。

樓主憶述有次下午約1時許接到客人電話,對方一開始便問「做乜聽電話但又無開門」,她便回答指因當時未到開舖時間,惟客人再說「你聽到電話就開門啦,我而家喺你舖頭樓下上嚟睇衫」。樓主只能解釋店內暫時無人,能接聽電話因已「飛線」(來電轉駁),不過客人仍不甘心,堅持聽到店內有人聲,要求樓主提早開門供她「睇衫」,更揚言:「你唔喺舖度又聽會聽到電話嘅?你玩我?我咪上網寫衰你囉。」

樓主稱,該名「摸門釘」客人不明白「飛線」的意思,又聲稱聽到店內有人聲,要求她提早開舖,令她相當無奈。(示意圖,GettyImages)

樓主聞言只能再次解釋,因使用來電轉駁才能接聽電話,並建議客人預約其他參觀時間,對方遂要求於當日下午2時前往店舖,樓主雖感無奈,仍保持耐性解釋指預約營業時間以外時間參觀需要兩日前通知,難以答應其要求。白行一趟的客人即發難,爆粗怒罵:「我明明聽到你喺鋪頭入面都唔開門,怕我打劫定強姦你呀,成棟樓咁多婚紗鋪,你咁X樣做生意就聽執笠啦。」

樓主面對客人無理發難,忍無可忍終霸氣回應並掛斷電話。(示意圖,GettyImages)

無辜被罵的樓主面對客人無理指罵,終忍無可忍反擊:「你一日未幫襯我都唔算係我個客,所以我同你關係係對等嘅,但你咁樣嘅態度,好老實你就算畀錢我使我都唔做,我費事收你嗰少少錢就成班同事畀你當阿四嚟使。」她更向對方稱,開舖8年以來一直持同樣的待客態度,反指若對方不滿意可光顧另一店舖,並祝對方「搵到合心水嘅禮服,百年好合,永結同心」,然後掛斷電話。

樓主的回應獲網民大讚「EQ高」,又稱她提醒同行的做法令人佩服。(GettyImages)

樓主稱,收線後已將該名客人的電話傳給同一大廈的同業,避免行家們「中伏」,更稱涉事客人一星期後竟「死死氣返轉頭」。被問到為何不以其人之道還治其人之身罵走客人時,她則表示不想「降低層次同質素去同佢鬥鬧」,笑言「用語言藝術(非粗口)」將麻煩客人秒殺才是最高境界。

樓主的經歷令一眾網民大為佩服,稱讚她「好高eq呀,值得學習」,「唔用粗口鬧人先係最高境界」,「自己小心之餘,仲會提醒埋其他同行對手,佩服樓主嘅氣度」。亦有網民認同樓主說法,更指「無理由畀咗錢就可以呼呼喝喝」,「就算有幫襯,關係都係對等先啱」。

(fb專頁「西客之道」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。