【好人好事】失智伯伯成條褲都係屎無人幫 熱心男買褲陪伴1小時

撰文:喬納森
出版:更新:
Cody自行通知救護車,救護員接報到場將伯伯送院。(fb圖片)

下載「香港01」App ,即睇城中熱話:https://hk01.app.link/qIZYuEC5LO

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物

該名穿上成人紙尿片的伯伯「除咗半條褲,成褲都係屎,身上掛有身份證及跟進個案證明,但衫褲都好污糟,指甲有吋半長,「完全唔識講嘢、唔識望人」,相信患上失智症。(GettyImages/視覺中國)

熱心游水教練Cody向《香港01》表示,昨晚6時許,在粉嶺泳池下課後行經粉嶺名都商場,見到有一名穿上成人紙尿片的伯伯,「除咗半條褲,成褲都係屎」行入商場,相信想找廁所,又表現徬徨,伯伯身上掛有身份證及跟進個案證明,但衫褲都好污糟,指甲有吋半長,「完全唔識講嘢、唔識望人」,相信患上失智症。

由於保安員不懂處理,所以阻止伯伯進入商場,任由他在門口,即使有一名民政事務處職員放工經過主動問是否需要幫手,但都遭到保安員拒絕聲稱「搞得掂」,其他走近伯伯身旁的途人則紛紛投以鄙視目光,而且大叫好臭,立即忌而遠之,其中有一名男子走近時「仲幫伯伯影相『打卡』」 。

Cody即時致電當區區議員查詢附近有否外展老人服務,對方的助理經了解後表示會報警,但等了約25分鐘後都未見有人到場,Cody再致電議員助理,但對方只稱已經報警。

Cody唯有致電其他人問意見,決定「call白車」,並用自己一條價值85元的毛巾遮住伯伯,再叫保安幫手防止伯伯離開,隨後獨自找時裝店為伯伯買新褲更換。他向店員說清楚情況後,對方「即刻摷全間舖,搵到條次貨99蚊」,Cody前前後後陪伴及照顧伯伯1小時,最終救護員到場將伯伯送院治理,警員亦趕至了解情況。眼見事情大致上解決,Cody離開前向保安交代一聲,對方都大讚他「好好人」,Cody則提醒「你一早就應該報警call白車幫佢啦」。

經Cody事後了解,伯伯姓曾,今年64歲,獨居住在區內,區議員已經聯絡社會褔利署,雖然一直有社工跟進他的個案,但情況很快惡化,「區議員同社工夾下點幫佢」。

Cody在網上交代事件的來龍去脈,解釋「伯伯嘢又唔識講,最徬徨之際,唔單止無人幫佢,仲要被人影相」,擔心有「花生友」將圖片放上社交網站,若有此事,批評對方「唔幫手不特止,仲要幫手欺淩佢」,亦強調自己「不求讚,只求大家見到有需要嘅人幫得就幫,走頭無路完全無助,好慘㗎」,更指自己「都試過徬徨無助,只係將心比己」。

帖文引起網民激讚,同時批評途人袖手旁觀及影相,「人情冷暖,好彩Cody熱心同唔怕煩。影相打卡嘅花生友真係不知所謂,學下尊重別人吧」、「香港正正需要正義人士,食花生太多了,好人有好報」、「謝謝你對伯伯的熱心幫忙,也謝謝你的分享,讓大家都學懂要做多一點」。

(綜合)