九巴fb介紹新車 網民留言批車廂冇清潔 小編神回覆幾千人like爆

撰文:
最後更新日期:

現今企業的facebook小編除身負宣傳重任,還要不時與網民互動增人氣,就如九巴小編近日因一則神回應一夜爆紅。九巴fb專頁近日介紹新車「紅巴2.0」,有女網民趁機留言,「新又點?都無人清潔嘅」,九巴專頁小編即時神回覆:「清潔又點?都無公德心嘅。」這則回應至今午最少獲逾5200個讚好,不少人同聲批評令車廂不潔的源頭,正是沒公德心的乘客。

九巴fb專頁在去年曾提及引入4架「紅巴2.0」,近日終於發文公開車廂的真面貌。(KMB九巴fb專頁圖片)

下載「香港01」App ,即睇城中熱話:https://hk01.app.link/qIZYuEC5LO

九巴fb專頁去年曾提及將引入4架「紅巴2.0」,日前終於發文公開車廂的真面貌。有女網民似乎對新車興趣麻麻,只留言寸爆九巴車廂經常無人清潔,直斥:「新又點?都無人清潔嘅。」一直關注專頁的九巴fb小編,短時間內即時現身回應,更鬼馬地引用對方的句子形式回覆:「清潔又點?都無公德心嘅。」

九巴fb小編非常關注網民意見,隨即引用同樣的句子形式作出神回覆。(KMB九巴fb專頁圖片)

這個神回應間接點出因有部份乘客無公德心,才會導致巴士車廂經常有垃圾出現。不少網民即時食花生加入討論,有網民認為:「 無人清潔定係乘客無公德心?兩回事喎」、「係咪要乘客好有公德心咁幫你地抹窗先可以坐得底?」

但大部份網民都力撐九巴,留言指「佢冇話冇做清潔呀,只係講清潔咗又點,都冇公德心,呢個係事實」、「好波,靚抽呀」、「又無公德心又玻璃心,而家啲客真係呢」。

九巴fb專頁及後發布帖文回應事件,被網民大讚「完美靚抽」。(KMB九巴fb專頁圖片)

批評車廂不潔無人清理的女網民,後來繼續質問:「咁係咪唔使清潔?請回答。」九巴fb小編亦十分耐心解答:「我哋當然有清潔啦,如果冇清潔,真係不堪設想。」

九巴fb專頁及後用「唔開心又點?都無人關心」的主題發布帖文回應事件,表示今次開了「霸氣模式」才嚇倒網民,更呼籲大家做個有公德心的乘客:「我哋嘅清潔工人每日為咗大家有個乾淨車廂,不辭勞苦咁工作,希望大家體恤吓佢哋,一齊愛護車廂!」他們更完美「靚抽」,叫「清潔龍阿德」幫忙宣揚訊息。

帖文隨即獲網民大讚,「正呀喂」、「支持九巴呀」、「一眾清潔工人辛苦了」。

(KMB九巴fb專頁)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。