到診所領回5年前遺失耳筒不果 極品港女發難:點保管失物㗎?

撰文:安祖娜
出版:更新:

遺失物品能夠找回已屬幸運,但近日有任職醫療中心職員的網民投稿指,一名女子早前專程到診所「投訴制度」,表示5年前光顧期間遺失一個耳筒,至近日打算取回,卻被告知已找不到。女子得知消息後大感不滿,即怒罵職員:「你點保管啲失物㗎?」
網民看過帖文都非常驚訝,笑言該女子應經歷完「被偷走的那五年」,才會相隔良久始要求取回,「失物會放喺度超過半年嘅原因得一個,就係我都唔記得要丟咗佢」、「10年後返去問更加有紀念價值」。

一名女子早前專程到醫療中心投訴,稱2014年求醫時遺失了一個耳筒,惟近日到中心打算取回時,職員卻稱找不到。(fb專頁「西客之道 Hispitality Secret」截圖)
樓主翻查女子的求診紀錄,發現最近紀錄已於2014年,即距離可能遺失耳筒的時間至少有5年。(示意圖,GettyImages/視覺中國)

下載「香港01App ,即睇城中熱話:https://hk01.app.link/qIZYuEC5LO

自稱在醫療中心任職的網民早前投稿至facebook專頁「西客之道 Hispitality Secret」,表示早前一名女子專程到訪中心,明言要「投訴你地嘅制度」,樓主只能無奈應付對方,詎料內容離奇得令他哭笑不得。

女子稱約3至4年前曾經光顧中心,回家後發現遺失某個牌子的耳筒,樓主遂向她索取個人資料翻查紀錄,發現對方最近期的紀錄已經是2014年。女子隨即稱,當年查詢時中心職員曾表示「執到,可以返嚟攞返」,並指至今她希望取回時,職員卻表示找不到。

網民笑言該女子應經歷完「被偷走的那五年」,才會相隔良久始要求取回。(《被偷走的那五年》電影劇照)

樓主當下非常無奈,向對方解釋難以找回多年前的失物,不料女子即時怒罵:「你知唔知道個headphone(耳筒)係好有紀念價值,又係你地叫我返嚟攞,而家冇咗,你點保管啲失物㗎」。

女子續稱,職員曾叫她留下資料,答應為她留意能否再找回耳筒,「都咁多年啦,你而家同我留意下有乜用?你係咪應該賠返畀我?否則我可以報警拉你哋!」。樓主未有交待事件最終如何平息,但慨嘆:「你係咪好得閒冇嘢做呢?拿着一個好似係point嘅道理,去消磨你嘅時間。」

網民看過帖文均感驚訝,形容「唔見headphone嗰個一係就坐監,一係就昏迷咗5年」,直指「五年後先嚟拎,紀念性極有限」,「《被偷走的那五年》,失物會放喺度超過半年嘅原因得一個,就係我都唔記得要丟咗佢」,又認為醫療中心應設立既定程序處理失物,「當你知物主係邊個時,要處理件失物,如丟棄或拍賣,應該用合理方法通知物主限期內要取走,否則作放棄論,咁對大家都好」。

更有網民「曲線」笑指涉事病女子「太早」要求領回耳筒,「10年後返去問更加有紀念價值」,「個同事而家去緊失物櫃拎緊畀你啦。大概2024年就會抵達㗎啦」

(fb專頁「西客之道 Hispitality Secret」)

【第一屆武博】眼界.決定境界!5月3至5日在九展舉行的第一屆香港武術及搏擊運動博覽(武博),活動包括解構武術電影的光影武林隧道、有趣好玩的武館街遊戲,以及超過100個體驗班,讓市民、初學者或武術專家,透過這個多元化體驗型博覽會,從武博擴闊眼界、提升境界!

按此立即購票

按此瀏覽武博專頁