與前女友關係如家人 港男煩惱應否答應一齊買樓:佢想幫我上樓

撰文:
最後更新日期:

在香港買樓是不少人遙不可及的夢想,為買樓有人更會和親戚朋友「夾份」,不過一名連登巴打就為應不應該和前度女友一起買樓而煩惱。他說前女友家境富裕,和對方雖不能在一起但「同屋企人冇分別」,但他也明白如果現在女友知道一定不會接受,因此詢問網民「如果你係我,你會唔會接受呢個offer?」

在香港買樓是不少人遙不可及的夢想。(資料圖片)

下載「香港01」App ,即睇城中熱話:https://hk01.app.link/qIZYuEC5LO

樓主在連登討論區發文,表示同前女友拍拖很多年,雖然最後不能一起走下去,但關係和家人沒有分別,現在兩人已各有另一半,也各自到了談婚論嫁的階段。

他指,前女友「本身屋企好有錢,幾億身家果啲」,但樓主出身較貧窮,雖然現在開始賺錢,但負擔也很重,所以「要搵到錢買樓都唔係呢2、3年事」。直至早前樓主和前女友提及現在的新樓,前女友突提議「不如一齊買樓,呢個盤必賺」。

樓主在連登討論區發文,詢問網民應否答應和前女友一齊買樓。(連登討論區圖片)

樓主指,知道前女友其實不是想賺錢,「佢應該係想幫我上樓,因為佢唔介意層樓寫埋我名」。面對如此吸引的條件,樓主直言「問心我當然想啦」,不過也想到「畀女朋友知就x街,仲有可能之後好麻煩」,所以詢問網民應否接受。

不少網民都認為巴打的情況很難抉擇,有人認同和前度買樓的網民指,「梗係接受啦,為你嘅將來打算,就算現任飛你,你都有層樓渣係手」、「始終你同EX相處係唔錯,當朋友幫你一把咁諗就得」、「不如溝返個ex」、「呢的叫商業合作,同佢係邊個冇咩關係,最緊要信得過」。

不過,亦有網民認為不太可能答應,「如果到第日賣樓,又真係同而家呢個女朋友結婚,點解釋好,另一半D錢去咗邊」,認為面對如此良機,若不想錯失還是應和現任說清楚,「唯有照直講 你都呃唔到現任一世 始終你同EX 相處係唔錯, as a friend當朋友幫你一把咁諗就得。」

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。