婆婆診所暈倒獲醫生優先睇 自私港女投訴被打尖 後生仔妙語KO

撰文:卡洛兒
出版:更新:

醫療資源缺乏,醫生要分緩急輕重來看症絕對是合情合理的事。有診所助理護士網上發文稱,日前遇到一位婆婆突然在診所暈倒,醫生隨即檢查她的情況,但其中一名女士竟抱怨婆婆「打尖」,又不斷表現出極不耐煩,令同場的後生仔忍不住反駁她,「你講夠未呀?呢度唔係大陸呀!你要冇人性嘅你返大陸睇啦!」帖文引起網上熱議,短短5小時已有超過3700人讚好,不少人都讚後生仔「好波」,又大罵女士毫無同理心。

下載「香港01」App ,即睇城中熱話:https://hk01.app.link/qIZYuEC5LO

診所助護「珍寶豬」在facebook專頁「診所低能奇觀」發文,指近日遇到一位麻煩女病人,因當時診所有幾位病人正在輪候看醫生,其中一位婆婆登記後坐下不久,突然整個人癱軟在椅子上,旁邊的後生仔即大嗌:「醫生!有人暈呀!」雖然助護上前拍拍婆婆時她仍有反應,但安全起見他們都隨即推婆婆入醫生房檢查。

不過有名已登記的女士卻感不滿,問道:「醫生幾時睇得我呀?個阿婆好似唔係登記先㗎喎。」後生仔幫口反駁:「你唔見阿婆暈㗎咩?催咩呀?」但女士仍堅持:「佢都冇嘢啦。」再次強調自己早過婆婆登記,後生仔忍不住再反駁:「你登記先過佢又點呀?你好人好者咁好氣都唔可以畀阿婆睇先呀?」女士聽後心有不甘,唯有以「萬能金句」回應,「我唔係冇素質嘅人,我唔同你嘈」。

其後醫生考慮到婆婆身體狀況,叫了救護車送她入院。在等候救護車期間,婆婆一直在醫生房內躺着,但女士開始不耐煩,不斷問樓主「姑娘我仲要等幾耐呀?」,又指「佢唔可以出嚟等㗎咩?霸住間房阻住我哋要睇醫生嘅人」、「佢喺入面都冇咩嘢呀?我可唔可以入去睇醫生呀?」,當女士翹起雙手正想發爛渣時,後生仔再度出聲:「你講夠未呀?呢度唔係大陸呀!你要冇人性嘅你返大陸睇啦!」一句完勝麻煩港女。

港女始終要「攞返個尾彩」,當婆婆上救護車後,輪到女士入醫生房時,醫生禮貌地向她表示歉意,女士竟回答:「知就好啦,下次唔好啦」令樓主忍不住暗諷一句,「下次你唔好病呀」。

女士誇張表現引起網上熱議,有網民直斥女子沒有同理心,「下次佢暈咗都冇人理佢」、「我想講,有得揀,無人想用咁既方法打尖囉。真不怕他朝君體也相同啊!」、「冇人性嘅說話都講得出」,另有人揶揄稱「呢啲人千祈唔好老」。很多網民亦認為後生仔抵讚,「而家仲肯出聲既人少之又少」、「後生仔又幾有禮貌喎!寸得嚟又忍到唔爆粗」。

facebook專頁「診所低能奇觀」