【電髮中伏】港男亂入髮型屋電「韓仔頭」出事 網民笑似體毛上頭

撰文:
最後更新日期:

每次剪頭髮都是勇氣挑戰,尤其要轉髮型時,如成果不似預期只能無奈接受。有男網民大膽到不相熟的街坊髮型屋電髮,以為「都係畀張相你跟住去做,應該唔會相差得好遠啩」,誰知理想與現實的差距實在太大,弄完頭髮後他形容自己是「手指插入插蘇觸電的髮型」。他網上分享慘痛經歷,看到如體毛上頭的樓主,過千網民瘋狂爆笑,大家都深有共鳴:「我明,我真係明」。

男網民想電韓式型男髮型(左圖),結果攣得似「手指插入插蘇觸電」(右圖)。(fb「巴打絲打 Facebook Club」圖片)

下載「香港01」App ,即睇城中熱話:https://hk01.app.link/qIZYuEC5LO

有男網民昨日(14日)在facebook群組「巴打絲打Facebook Club」以「理想同現實」為題發文,指近日將頭髮留長少少,打算趁放假去電髮,但因平時幫襯那間髮型屋大排長龍,遂找了間「人少少」、位於柴灣的街坊髮型屋,「我心諗,我都係比張相你跟住去做,應該吾會相差得好遠啩」。

雖說勇者無懼,但樓主最終只有深深的後悔,「事實證明我錯了」,他更指自己當刻猶如卡通片才會發生的事情一樣,「插咗手指落插蘇,依家發生咗喺我身上」。

相關報道:電髮中伏「爆紅」 港男開腔稱已剷青:3個月後出返嚟再重新做人

港男跟髮型師爭論對話全記錄:
+4
+3
+2

樓主忍不住向髮型師抱怨,「使唔使攣成咁?我個頭同張相邊忽似」,但對方大派「定心丸」:「未剪啫,剪完就似啦,你畀得個頭我整,要對我有信心」。結果髮型師只是將剛剛電完的曲髮剪掉,「拿,而家無咁攣啦係咪?」樓主看得目定口呆,揶揄稱「你不如剷青嘛,咁樣睇落實無咁攣」。

其後樓主忍不住再次拿出照片質問髮型師:「我個頭同張相有邊度係似?」,對方坦白回應,「相同埋事實電出嚟梗係有出入、有落差」。但樓主並不收貨,繼續爭論,最後他拋下一句「錢我實會畀,但唔使旨意我再幫襯」。他在帖文最後作出溫馨提示,「要搵相熟髮型師整頭」。

↓↓↓變髪後果可大可小,點擊睇明星都hold不住的髮型↓↓↓

+12
+11
+10

帖文引起網上熱議,不少網民都爆笑指樓主太勇敢,「無人入一定有原因」、「電髮不嬲都要搵返相熟啦!」,亦有人嘲笑指其新髮型似體毛,有柴灣居民則指「唔明樓主點會入呢間,平時得阿叔阿嬸先會去」。

另有人說笑稱「下次不如試下將隻手指插插蘇度,可能效果更加理想」。但有網民則認為樓主想要的髮型根本不用電,「呢 D 髮型係用直板夾夾出嚟」、「其實呢啲係set會靚過電」。

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。