心愛公仔被細路客人分屍 家長怪服務差 店員:生出嚟唔該教好佢

撰文:
最後更新日期:

不論模型或洋娃娃,對於收藏者來說都是無價寶。近日有網民在facebook抱怨,被小魔怪客人弄爛了自己心愛的OB娃公仔,其間小朋友撒謊稱「呢個係我媽咪畀我」,到樓主聲稱要報警時,才交出已「甩皮甩骨」的公仔,令樓主相當心痛,該批孩子家長還反過來怪責她「搶細路野、服務態度差、冇教養」。帖文一出瞬間引起熱議,網民力撐樓主「齋睇文字都覺得心痛」,又指應報警處理,「小朋友家長唔教,搵警察教」。

下載「香港01」App ,即睇城中熱話:https://hk01.app.link/qIZYuEC5LO

有女網民近日投稿至facebook專頁「西客之道」,指老闆一向容許在員工工作區域擺放模型或擺設,她亦有放置兩隻OB娃。詎料其中一隻被4個「小學雞」取去,樓主急忙衝去阻止,要求他們放開「人質」,其中一個肥妹仔竟大聲夾惡:「都唔知你講咩,呢個係我媽咪畀我!」還將娃娃「拎住嚟甩」,其他小朋友亦附和稱「係佢媽咪送畀佢」。

樓主當時忍無可忍,決定報警處理,那位帶頭肥妹即「淆底」放下:「玩下唔得咩小氣鬼」,但當時公仔已腰間斷開、手腳分離以及頭髮都花了。在樓主傷心之際,他們的家長竟投訴樓主「搶細路嘢、服務態度差、冇教養」,但為了勸樓主勿報警,即轉口稱「小朋友拎嚟玩下,唔使報警浪費警力」。

最終經大家商議後都沒有報警處理,「一來唔想嚇到啲小朋友有陰影」,二來他們已賠償150元,「同事講佢賠錢畀你已經畀到佢教訓」,亦免得搞大件事惹主任怪責。樓主強調「150蚊真係賠得少」,指整個娃娃配件加起來已超過600元,「仲要串我咁大個人仲玩barbie公仔,啲爛鬼公仔拎去回收都冇2蚊」,令樓主更崩潰稱「真心求下啲家長照顧好同行小朋友」,指為人父母「生佢哋出嚟有就唔該你教好佢」。

帖文瞬間引起熱議,不足兩小時已有300多人讚好,過百人留言。不少網民都大鬧涉事細路離譜,又指「小朋友可以一齊講大話,即係平時已經係慣犯」,有網民則認為「做錯係冇報警」,指小朋友有陰影才可以確保不再犯錯,亦有人替樓主心痛,「如果有人整爛我個玩具,我會同佢死過」。

fb專頁「西客之道」

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。