兒子偷竊斷正 港媽狂loop「唔係㗎」 店主:你覺得幫到小朋友?

撰文:安祖娜
出版:更新:

俗語說:「小時偷針,大時偷金。」如小朋友出現錯誤的價值觀或行為時沒有及時改正,長大後或會有更嚴重行為。有任職售貨員的網民日前投稿至facebook專頁,分享早前於店舖發現有小學生偷竊一事。樓主稱涉事小學生偷竊過程「斷正」,惟不承認其行為,亦不願通知家長或學校。
事後小學生的媽媽親自到店舖稱想了解事件及代為道歉,惟看過片段仍拒絕承認兒子偷竊的行為,不斷重複「唔係㗎」一句,並以不同理由為兒子解釋。樓主直指港媽是「掩飾」,未有與其理論,僅收取貨品價錢了事,而小學生亦無道歉,不過她事後慨嘆:「𠵱個媽咪假如繼續咁教個小朋友,日後真係不敢想像。」

有售貨員分享早前遇到一名小學生偷竊,其家長到店舖跟進事件的經歷,引起網民熱議。示意圖,非涉事店舖。(資料圖片)

下載「香港01App ,即睇城中熱話:https://hk01.app.link/qIZYuEC5LO

fb專頁「西客之道」日前刊出投稿帖文,一名售貨員稱日前於店舖發現一名小學生偷竊,並將數件貨品藏於校服內,過程被閉路電視拍下,遂要求聯絡該學生的家長。小學生聞言稱「我冇佢哋電話號碼」,後來又解釋指「我冇偷嘢㗎,我只不過攞咗你啲嘢走,跟住會再返嚟畀錢」。樓主後來稱要聯絡小學生就讀的學校,學生即以手遮掩校徽,更趁樓主打電話聯絡老師時「靜雞雞走咗」。

約一小時後,一名女子帶同小學生返回店舖,女子自稱是學生的媽媽,表示想了解事件。樓主遂展示閉路電視片段,不過港媽堅拒相信兒子曾做出偷竊行為,不斷重複說「唔係㗎」企圖推翻眼前所見,並以不同理由如「我今日畀咗錢佢買嘢,佢有錢點會偷嘢」、「由細到大都有睇住佢,而且佢唔識同人相處,佢有個病」等為兒子解釋。

樓主發現小學生偷竊後,要求聯絡其學校,而對方則趁他打電話時離開。(示意圖,非涉事店舖)
+4

港媽又指,兒子「可能諗住去完買嘢食,再返來畀錢呢」,強調兒子身上有錢,並無偷竊動機。樓主則反駁稱事件證據確鑿,而且該名學生被發現後又拒絕聯絡家長及學校,直指「你帶佢過嚟畀晒片你睇,你就係咁話『唔係㗎』係咁同佢掩飾」。

港媽仍然堅持兒子打算買完食物才返回付款,自言「可能我唔識教佢,但佢真係冇心偷嘢」,樓主難忍對方不斷重複為兒子解釋,要求該學生到店外等候,直接質問港媽:「你帶個小朋友落嚟要了解件事,但係咁講『唔係㗎,唔係㗎』,你覺得幫到個小朋友?」不過港媽仍以一貫「唔係㗎」回應,拒絕承認兒子有心偷竊,樓主感到無可奈何,只要求她繳付貨品價錢,最終小學生並無為事件道歉。

樓主事後認為,或許該小學生的確患病,但他「偷完一樣又一樣嘅過程係完全係睇過附近冇人或者行去啲盲點(將貨品)攝入件衫,如果話冇心偷就真係冇可能」。而港媽到店稱要了解事件及道歉,但卻一直為兒子掩飾,慨嘆:「祝𠵱個小朋友以後唔好行差踏錯,而𠵱個媽咪假如繼續咁教個小朋友,日後真係不敢想像。」

網民批評涉事港媽不願面對事實,為兒子解釋是害了他,「唔識教就唔好生!唔好大教壞細!」,「個媽咪一直否認,真係好似人哋屈佢咁,小朋友如果有問題,家長更應該睇緊啲」。亦有人指如港媽仍然堅持解釋,樓主便應報警處理,「其實你哋心地好好,畀我會直接報警」。

(fb專頁「西客之道」)