【倪匡專訪】假如年輕衛斯理在香港 倪匡認為他會這樣做...

撰文:
最後更新日期:

寫下《衛斯理》系列的香港著名作家倪匡筆下作品無數,他於1984年、即36年前寫下的《追龍》,被指內容與香港局勢不謀而合,被喻為香港時局預言書。倪匡日前現身受訪,就幾點問題作出回應,包括想像如果年輕的衛斯理身處今天的香港,他會有何行動呢?

倪匡對政局常有獨特見解,目前香港局勢未明,不少人都想聽聽他有何高見。(溫嘉敏攝)

下載「香港01App ,即睇城中熱話:https://hk01.app.link/qIZYuEC5LO

1.假如年輕的衛斯理在香港…
年輕的衛斯理會參加和平遊行,但不會衝擊,因為覺得無用,佔中也不會參加,也是沒用的。

2.「同佢鬥長命?」
以中國人的民族性我唔睇好,中國人幾千年受獨裁統治慣咗,好習慣這種專制制度,無咗反而唔習慣添呀。(有的人認為中國人是中國人,香港人是香港人),睇得自己太高,你以為自己香港人,人哋唔認你呀!

倪匡認為法律為守住香港的最後一關。(資料圖片)

3.成立獨立調查委員會爭議
好古怪,點解警察又反對,建制派又反對,如果我無做壞事,我一定歡迎,可以恢復警察名譽,我唔明點解要反對,要問佢哋。話會打擊士氣?做咩你未調查你就知道係警察唔啱啦咩?或者查完無唔啱呢?要還人哋一個真相,咁樣反對,真係莫名其妙。

4.法律是守住香港最後一關
香港仲有最後一關就係法律那一關,買鐳射筆嘅大學生都仲要上法庭嘛,睇法庭點判,如果都被控制就徹底玩完。而家輸咗九成,苛延殘喘,若連法律也沒有就沒有了。

5.社會撕裂親朋罵戰
偉大嘅毛主席話呢個世界根本無道理只有立場,你在你立場照你道理,佢在佢立場照佢道理,無得講。最理想做法唔好迫人跟你,各行其事相安無事;可辯論要文鬥唔好武鬥,要容忍不同意見。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。