大媽搭巴士問車站冇人應 爆粗鬧爆車長「唔睬人咪冇職業操守」

撰文:
最後更新日期:

「行車時不得與車長談話」是巴士乘客要遵守的守則,不過近日就有大媽疑因向車長查問車站詳情未獲回應,爆粗大罵車長,「你唔睬人咪冇職業操守!呢啲係公共汽車嚟㗎」,其他乘客勸大媽不要騷擾車長,反被她大罵:「你哋都唔分青紅皂白!」

大媽瘋狂爆粗怒罵車長及乘客,「人哋問你(車長)個站咋嘛,你唔睬人係冇職業操守,你啱唔啱先?」(影片截圖)

下載「香港01」App ,即睇城中熱話:https://hk01.app.link/qIZYuEC5LO

有網民日前在facebook群組「巴士的事討論區」上載短片,指在周一(12日)下午約3時,一輛前往金鐘的城巴上,有大媽瘋狂爆粗怒罵車長及乘客,「人哋問你(車長)個站咋嘛,你唔睬人係冇職業操守,你啱唔啱先?」、「呢啲係公共汽車嚟㗎,你有責任話畀人知有冇站」。

其間有乘客勸喻她不要再吵,但大媽則批評「你唔幫人哋不單止,仲話我哋唔啱」、「你一味話人哋阻住你,地鐵嗰啲夠阻住我返工咯,我唔好出聲打佢?」、「邊個唔啱,邊個啱,你要分清楚嘛!」,其後車長忍不住開聲着大媽不要再騷擾他駕駛,否則會將巴士停在路旁,但大媽未有示弱,繼續大罵「你出聲啦咩,你而家先出聲?睇你個仆X路啦」,遭其他乘客群起怒斥「你唔好再騷擾司機揸車」、「係咪想攬住一齊死呀?」。

影片引起網上熱議,不少網民直斥「你做乘客都冇乘客操守」,又指「唔識路乘客可以睇路線紙,行駛中同司機講嘢會構成犯罪」,另有網民認為車長應即報上台兼報警處理。有人則關心影片以後的發展,樓主指當時下層乘客繼續大罵戰。

根據城巴《乘客守則》列明,乘客勿在行車時與車長談話,亦禁止以恐嚇、辱罵或淫褻性的言語或動作,或以任何其他方式騷擾車長或車廂內的乘客。

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。