繼PHD珍奶薄餅後又一鉅作 牛涮鍋預告出黑糖珍珠奶茶湯底?

撰文:
最後更新日期:

究竟人類能為珍珠奶茶創出幾多種fusion食法?繼日前香港薄餅餐廳「薄餅博士PHD」推出新產品「黑糖珍珠奶茶薄餅」震驚網民後,火鍋餐廳「MouMouClub 牛涮鍋」亦「跟機」,發帖預告將推出黑糖珍珠奶茶湯底,形容該湯底是獨一無二,又指「聽講話有一萬個like就會推出」,不知一眾網民又會否「以身試湯」?

繼薄餅博士PHD推出「黑糖珍珠奶茶薄餅」後,MouMouClub 牛涮鍋亦聲稱會推出黑糖珍珠奶茶湯底。(fb專頁「MouMouClub 牛涮鍋」圖片)

下載「香港01App ,即睇城中熱話:https://hk01.app.link/qIZYuEC5LO

PHD前日(6日)於facebook專頁發帖,公布全新口味的「黑糖珍珠奶茶薄餅」,引起不少網民討論。事隔不足兩日,連鎖火鍋店「MouMouClub 牛涮鍋」加入抽水,表示:「當見到個黑糖珍珠奶茶薄餅之後,我地都決定整番個黑糖珍珠奶茶湯底會一會佢先!」

帖文圖片可見,湯底與一般珍珠奶茶顏色類近,火鍋漏勺撈起的並非一般丸類或海鮮,而是一粒粒黑糖珍珠,右邊則有新鮮肥牛。小編形容,湯底「奶味濃郁,而且茶味香醇!入面嘅珍珠Q彈煙韌!簡直係一試難忘,食完都想大叫一聲『好好味呀』」。

薄餅博士PHD推出「黑糖珍珠奶茶薄餅」,引起不少網民討論。(fb專頁「PHD HK」圖片)

+4
+3
+2

 小編更特意買來PHD的珍奶薄餅「送湯」,稱兩者crossover又是「另一個新『食』法」,又於標籤透露,珍奶湯底「聽講話有一萬個like就會推出」,但集團老闆黃傑龍則以專頁帳戶留言「訓示」小編:「玩夠未呀你,你估你真係老細呀?呢啲咁嘅野點出啊?」其後再留言希望網民「唔好再立亂like,真係夠10000好大鑊」,貼地公關獲多人讚好。

不少人對於不同餐廳連續推出珍珠奶茶fusion菜式感到震驚,紛紛留言叫身邊的珍奶控親身嘗試,「講真,你真係出,一定有人出嚟自願去試」,更提出瘋狂想法,「如果可以加奶蓋一定好震撼」、「牛肉夾埋啲珍珠一齊食,諗起都正呀」。

不過更多網民卻留言要求「不要玩食物」,質疑為何食肆要提早「出愚人節post」,又笑言「我相信下一個恐怖襲擊絕對係意大利佬造成嘅,但係導火線絕對係你哋,玩Pizza嘅兇手」。

【珍珠奶茶進化】(01製圖)

+3
+2
立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。