兩公婆儲夠錢買樓上車 公屋父母要一齊住 港男堅拒有苦衷

撰文:
最後更新日期:

年輕夫婦「死慳死抵」成功買樓,終可享受屬於自己的二人世界,但此時父母竟要求一起住,的確為難。有網民在連登討論區發文,指自己與太太終於儲夠錢上車,居住公屋的父母卻以「成世人冇住過私樓要享福」為由,提出要一起住,令他非常無奈,抱怨道「出咗身咁多年我想脫貧喇,點解要嚟拖我後腿?」,帖文引起熱議,有人直言身同感受,但亦有人不認同樓主,認為一家人「唔使講到咁絕」。

有連登網民發文,指自己與太太終於儲夠錢上車,但父母竟要求一起住,令他非常無奈。(示意圖,資料圖片)

下載「香港01」App ,即睇城中熱話

該連登網民以「同老婆儲到錢上車,公屋父母話要一齊住」為題發文,指父母知道他們成功買樓後,稱「成世人冇住過私樓要享褔」而要求一起住。樓主感到非常無奈,更激動地說「明知窮仲生三件,生着兩件廢青,得我一件出人頭地」,認為自己一直努力讀書,「大學學費要自己借,生活費、hall fee(宿舍費)半工讀自己搞掂,出咗身咁多年我想脫貧喇,點解要嚟拖我後腿?」

他又指自己從來沒有少給家用,再加多一點甚至能養起兩名弟弟,因而難以接受兩公婆努力供樓卻讓兩老享褔。樓主其後再留言回應,現已搬往太太娘家暫時,因新居大半年後才入伙,而新居為兩房單位750萬500零呎。他又透露自己原生家庭狀況,爸爸揸的士維生,但沒有儲錢習慣,媽媽則沒返工,「兩個細佬一個真廢青冇返工,一個返炒散月光族洗腳唔抹腳」。

↓↓↓ 帖文引起網民激辯 ↓↓↓
+4
+4
+4

樓主亦已拒絕父母一起住的要求,「講明再嘈cut家用,我家用已經盡晒責任,要更多嘅點解唔問兩件廢青拎」,又將公屋除名表交給爸爸簽署,「佢唔肯簽嘅準備全家瞓街」。

帖文引起熱議,有網民「忍唔住讚好」,指為人父母看到仔女出人頭地脫貧應該很高興,「黐埋去金糠就立心不良」,又稱「香港幾時先可以冇養兒防老呢個思維」、「好多人畀屋企拖後腳無晒機會去過自己想要嘅生活」。亦有網民認為明明有兩間屋,難以理解「要迫晒咁多人係一間屋」,質疑兩老是否想留間公屋給另外兩個兒女居住,而且樓主太太都有份供樓,無論如何都應該先跟對方商量,「未必想同奶奶住」。

不過,有網民則指「你點對父母,以後你自己嘅小朋友都會點對你」、「你冇乜幾多年見到父母啦,到時後悔要有心理準備」,認為樓主可多考慮一些,亦有人提議可出少少錢幫父母裝修公屋,從而說服他們。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。