老公失業人工少過以前 博命做3份工養家 全職港媽拒搵工炒外傭

撰文:卡洛兒
出版:更新:

新冠肺炎疫情對各行各業大受打擊,有港人甚至要面對失業的困境。近日有兩孩之母向友人抱怨,指丈夫兩個月前失業後需做散工養家,包括送外賣、速遞以及駕Uber,一星期做足7天,但仍收入大減,「想老公搵多份夜晚炒散」,當有人建議她辭退家中外傭或自己找工作幫補家計時,該港媽竟嬲爆拒絕,令對方十分無奈。

有港媽抱怨其丈夫兩個月前失業需做散工養家,包括送外賣、速遞以及駕Uber載客,一星期做足7天,但仍收入大減。(《男人唔可以窮》劇照)

下載「香港01」App ,即睇城中熱話

有網民日前在親子王國討論區發文,指朋友本身是全職媽媽,育有兩個分別是9歲和11歲的仔女,其丈夫失業兩個多月,她每天致電樓主抱怨「老公搵唔返之前的人工水平」。但事實上丈夫已一人打3份兼職,包括送外賣、做速遞員和周末駕Uber接客,湊湊合合每月都有25,000元左右。惟收入跟以往月薪32,000元仍有差距,「而家少咗抆抆緊,好唔開心」,港媽遂四出打聽有否介紹,「想個老公搵多份夜晚炒散」。

樓主見此情況建議先辭退家中外傭以減開支,自己亦可找份兼職幫補一下,「仔女咁都唔多使佢理」,詎料港媽對其意見大發雷霆,「話我唔想幫佢,只係想推出去做工」甚至封鎖樓主不再聯絡。

↓↓↓ 網民咁樣睇 ↓↓↓

帖文引起網上熱議,不少網民都批評港媽自私,「佢自己嘆死,老公做死」、「好明顯你朋友習慣咗畀人養,連幫吓個老公都唔肯」,又認為樓主的意見很中肯,「無做嘢仲請咩工人?9歲同11歲都好多嘢自己搞掂」、「小朋友咁大仲請工人」。不過亦有人指出,家家有本難念的經,「就咁睇佢老公好可憐,不過一家唔知一家事,可能大家傾掂數呢。」

同場加映:阿爸湊仔激死媽大合集
+15