港媽產後樣貌身型走樣 自信全失感難吸引老公:佢冇再掂過我

撰文:
最後更新日期:

媽媽十月懷胎「搵命搏」誕下孩子後,面對照顧子女、產後修身或重投職場等問題簡直是「壓力山大」,這時「神隊友」的幫忙非常重要。有港媽日前於討論區發文大呻,誕下第二胎後自感樣貌及身型也走樣,更一度被誤會與奶奶是兩姊妹。失去自信的她覺得被老公嫌棄,直指很久沒有親密關係,擔心長久下去兩人感情變淡,最終會離婚收場。

有港媽發文大呻,誕下第二胎後自感樣貌及身型也走樣,懷疑老公嫌棄自己,更擔心最終會離婚收場。(《BB來了》劇照)

下載「香港01」App ,即睇城中熱話

該名港媽前日(28日)於親子王國討論區發文,稱自從誕下第二胎後,「老公就一直冇再掂過我」,懷疑自己產後樣貌及身型也走樣,因而被老公嫌棄。當她提及兩人很久沒親密行為時,老公卻以「返工忙冇時間」為由解釋,令她更覺對方「似係想逃避我」。

港媽感到非常擔心,表示自己本來樣貌已較成熟,產後對外表自信全失,更稱早前購買孕婦裝時,被誤會與奶奶是兩姊妹,因而大受打擊,「我點睇都唔似佢妹咁大年紀吖嘛!我得30歲咋,好hurt,咁我同老公企埋一齊,咪似佢媽」。她擔心未成功修身前,「主動出擊」會帶來反效果,但對於老公的冷淡又感到非常灰心:「我等佢主動,但無奈嘅係,佢一直都係冇主動提,連平時咀、攬都冇做,心已經灰晒,佢係咪已經係唔愛我?」

她又說,老公以往與朋友聚餐也會帶她出席,惟產後已沒再攜眷,認為對方「怕我影衰佢」。她又不滿稱老公無心維繫雙方關係,擔心感情變淡最終導致離婚收場,「佢唯一做到嘅係每日都會主動打電話畀我傾計,但返到屋企見面,我哋係冇話題,佢好快就瞓咗,每日都係咁!我覺得好辛苦」,直言已對老公死心,「佢唔係一個好老公,完全冇顧我感受」。

港媽表示自己本來樣貌已較成熟,產後對外表自信全失,又不滿稱老公無心維繫雙方關係。(《BB來了》劇照)

不過提及離婚,港媽又擔心一旦分開生活,自己沒足夠經濟能力照顧兩名子女,害怕會對子女造成影響,「唔能夠生完小朋友走咗去唔理,我做唔出!所以我又決絕唔到離婚」。因此她還是決定先「紥肚keep fit」,「扮靚真係唔係為咗個男人!係為自己」。

帖文引來不少媽媽討論,有人鼓勵樓主為自己修身重拾自信,「雖然話做人唔係淨係睇外表咁膚淺,因大家都會有老去的一天,但這世界的確就係咁膚淺,外表同身材都係自己的,當然要好好打理」、「先建立返自信,有正能量,才有開心嘅生活」。

另有網民認為樓主應與老公好好溝通解決問題,「如果一個人變咗徒然」、「半年內老公唔係點掂你我覺得唔係好大件事啫,佢唔係搵女人咁其實又唔使灰到咁緊要」、「一段關係,身形唔重要,內裏嘅交流先至係最重要,一個家係要靠愛去維繫,將來遇到什麼困難都係要靠彼此嘅愛去跨過」。

港媽直言已對老公死心,但擔心一旦分開生活,自己沒足夠經濟能力照顧兩名子女,害怕會對子女造成影響。(《BB來了》劇照)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。