港女想幫男伴驗性病問診所可否「底褲刮啲嘢」　愈講愈癲震驚網民

為什麼有人會以為驗性病帶條底褲去診所就驗到？有診所職員早前接到名女士來電，支支吾吾說想幫男人做檢查「驗入肉嗰啲」，之後才爆響口說想幫對方驗性病，更問可否帶底褲到診所，「你喺上面刮啲嘢去驗？」，職員重申要本人來診所檢查，怎料她再爆出驚人想法。網民笑言女子無常識，揶揄「你傷風又唔擺低個肺畀醫生睇」，更反建議提出抵死「解決辦法」。

下載「香港01」App ，即睇城中熱話

診所職員投稿到facebook專頁「診所低能奇觀」，有女子吞吞吐吐說想幫男人檢查「驗入肉嗰啲」，更提出一些「人唔到」但驗到性病的方法。即使職員再三說明看醫生要本人到場，也未能成功打發女子，她更直言如要求男伴到場，對方必定拒絕，其間更提出：「可唔可以帶佢條underwear嚟，你喺上面刮啲嘢去驗？」

職員聞言非常震驚，幸仍能保持冷靜拒絕，然而女子再次詢問：「咁畀佢啲毛你呢？」之後更激動場質問職員，「性病唔係危害公眾嘅病咩？」，直言沒人會主動檢驗，一怒之下更「cut線」，職員連解釋私隱問題的機會也沒有。

網民看完女子對於驗性病的神奇理解後嘖嘖稱奇，就算她完全不考慮病人私隱，但她提供的方法也非常搞笑，可能是看太多劇集，但就打趣提供了一些「可行辦法」幫她達成目的。

即睇網民爆笑留言：