新抱鬧爆同住奶奶極自私 網民起底揭曾獲對方賣樓資助上車置業

撰文:安祖娜
出版:更新:

婆媳糾紛或是世上最難解決的問題。有港媽於討論區發文,指因失業而搬到其家中同住的奶奶,將她前一晚煲滾後放涼的凍滾水倒掉再煲,批評對方非常自私。網民均認為事件雞毛蒜皮,建議她與奶奶多點溝通便能減少誤會。
不過有網民「起底」後發現,涉事港媽年初曾發文,指因新冠肺炎疫情相繼失業的老爺奶奶原本已置業,但為了幫她及其丈夫上車才賣樓套現,當時她還稱讚奶奶「好好」,批評她僅半年多時間就「變晒臉」。

有港媽於討論區大數奶奶行為自私,卻被網民揭發年初曾大讚老爺奶奶願意賣樓套現,資助她和丈夫「上車」置業。(《BB來了》劇照)

下載「香港01」App,即睇城中熱話

該名港媽早前於親子王國討論區發文,狠批同住的奶奶行為非常自私:「完全唔理解,乜嘢構造先可以自私成咁!」她指睡前煲落滾水,原打算放於壺內放涼,但奶奶起床後想飲熱水,便在沒有知會她的情況下,倒掉放涼的水再煲熱水。港媽稱奶奶只是在其家中「暫住」,形容奶奶「一直當自己租間房」,不常與家人溝通。

不少網民都認為港媽的經歷只是小事一宗,建議她與奶奶多溝通,又指大家同住,生活習慣需要互相遷就,「超級雞毛蒜皮之事,一家人,平心靜氣問下溝通下啦」、「老人家生活習慣唔易改變,呢啲小事係好煩人好困擾,但同一屋簷下唯有諗個方法適應下」。

有網民「起底」後發現,港媽年初才發文稱讚老爺奶奶為人和善,而且待她不錯,批評她獲兩老資助買樓仍不懂感恩。(《BB來了》劇照)

不過有網民「起底」後發現,港媽今年2月初發文,指已屆退休年齡的奶奶因疫情影響相繼失業,無法再負擔租樓開支,被迫搬回其家中同住。

當時港媽指,老爺奶奶其實早年已置業,但為了資助她與丈夫上車才賣樓套現,稱讚對方「平日都和善,對我亦唔錯」,更就同住一事問網民意見:「佢地真係好好㗎,所以都想睇下點樣令奶奶住得安心啲,都怕佢會覺得打擾我地,佢做咗咁多年嘢,忽然唔使返工可能會好悶。」

網民「追po」後直指港媽「變晒臉」,留言批評她受人恩惠卻不懂感恩,「佢奶奶連自住樓都賣,拎筆錢畀佢哋買樓,自己去打工租屋住,究竟有幾多奶奶可以做到咁?做人要學識知足、感恩,少少事都上網想公審」、「佢奶奶真係唔應該賣樓幫佢哋啦,幫咗人仲要俾人數,兼搞到自己好似乞兒咁掉返轉寄人籬下」。

👇👇早前曾有懷孕港媽大呻壓力爆煲👇👇

+2

港媽見狀留言反駁,指「𠵱家層樓係我租嘅,同奶奶無關,唔係畀錢、畀首期就可以自私到盡頭,自私事件一籮籮」。她又稱婚前一直和丈夫與老爺奶奶同住,丈夫亦一直有份供樓,反駁受人恩惠的說法,「係囉『想』畀錢我哋畀首期,然而停留喺『想』位置,同埋同post有講返,賣樓錢分3份,舊嗰層樓我老公有份供,只係拎返自己嗰份」。

港媽的反駁言論非常惹火,引來更多網民批評,「其實你奶奶完全唔需要賣咗自己層樓俾你哋做首期,就算你老公有份供,都係未結婚前給父母的家用,佢亦有份住,所以唔可以話有份供就要分返層樓一份錢。為咗自己有樓,要父母賣樓租屋住,真係極自私行為,你奶奶真係好偉大,唔好再為小小事而厭惡佢,應該學懂感恩」、「要老爺奶奶賣樓就咪講咁多嘢啦!咁本事就咪靠老人家,又一故事教訓我哋唔好信片面之詞,講到嚟暫住你度咁大口氣,你欠佢哋㗎」。

👇👇👇同場加映:👇👇👇

9月網上開學,有港媽早前鬧爆網上教學

+5

曾有港媽食米線時因拒摺BB車與食客發生罵戰

+3
發表評論...