DONKI成驚恐症患者禁地?人多路窄產品密集 網民話呢間分店最伏

撰文:安祖娜
出版:更新:

【DONKI/DON DON DONKI/驚安之殿堂/驚恐症】新冠肺炎疫情影響下,港人難以「回鄉」到日本旅遊,不少人因而選擇到驚安之殿堂DONKI過過掃貨癮。不過有網民於討論區發文,指出DONKI分店環境狹窄,而且貨品擺放非常密集,購物體驗欠佳,成為了驚恐症患症不能踏進的地方。帖文引起不少人共鳴,有網民指難以在店內停留多於5分鐘,而其中一間分店更成為網民「公認最伏」。

驚安之殿堂DONKI是不少港人的愛店,不過有網民指店內環境人多貨多,不適合驚恐症患者購物。(01記者攝)

↓↓↓↓↓DONKI中環分店日前開張,即睇有咩特別↓↓↓↓↓

+10

下載「香港01」App ,即睇城中熱話

有網民日前於親子王國討論區以「想測試吓自己有冇驚恐症的人應該行吓DONKI」為題發文,指一般驚恐症患者都較易對環境中的潛在危險感到恐懼,如「通常怕排隊、人多嘈吵、空間狹窄、難找出口離開、冇座位隨時for暈暈哋時坐同扶住、貨品太密令人眼花」等等。然而這些元素DONKI卻「齊晒」,因此樓主認為,「如能成功行完DONKI並能成功付款,panic attack已算好了九成」。

帖文引來不少網民共鳴,直指DONKI出售超多種類的日本產品的確非常吸引,但店內設計給人的購物體驗卻不舒服,「唔知點解日本都係咁多大字,咁多顏色,咁多嘢堆埋一齊,但佢哋嗰啲好好行,我好有心機行,但香港個感覺好迫夾」、「我都覺得係團團轉咁,睇完又睇最後都係望地下找出路」。

記者嚴揀DONKI抵買之選,最平只需$1.5!

+6

而本身患驚恐症的網民亦分享自身經驗,指出觸發恐慌發作的並非DONKI店內的密集環境,而是被稱為「最強洗腦歌」之一的主題曲,「我有驚恐症,去過一次,無兩分鐘要出返嚟,佢首歌聽到我發作」、「佢首歌簡直世紀煩音,好辛苦,我戥佢啲員工辛苦聽十幾廿個鐘」。

綜合網民意見,DONKI目前已開幕的4間分店中,尖沙嘴店因環境過於擠迫、貨物擺放得太密集,成為網民公認最伏。不少人分享到該店購物的經歷,指出該店「又迫又焗」猶如迷宮,「好多人,好嘈,首歌好煩,搵條隊畀錢幾辛苦」,甚至稱「去到門口,迫到已經唔想行入去」、「人多時會行到暈暈哋」。

↓↓↓盤點8隻洗腦廣告歌!↓↓↓

+11

同場加映:DONKI vs谷辰20件產品格價戰 驚安之殿堂完勝 部份低過半價▼▼▼

+19
發表評論...