上呼吸道感染│學校取消派茶點辦生日會 家長不滿:孩子好失望

撰文:安祖娜
出版:更新:

【防疫 / 學童 / 停課】多間學校爆發上呼吸道感染個案,受影響師生或需停課及接受新型冠狀病毒檢測。為了防疫,各間學校都出盡辦法,除了要求學生量度體溫及戴上口罩,亦取消了各個高風險的活動如生日會。不過有港媽於討論區發文,指得知有部分家長竟不滿學校的防疫安排,批評會令孩子上學時感失望,不禁直言:「我唔知呢類阿媽諗乜!」

多間學校爆發上呼吸道感染個案,有學校為了防疫只好取消茶點環節及生日會,但有家長竟大呻相關安排令子女失望。(資料圖片,非當事人)

該名港媽日前於親子王國討論區以「班group啲家長好煩」為題發文,指孩子同班的家長非常重視學校的茶點環節及生日會,程度甚至超越防疫。她說早前學校見疫情稍轉穩定,逐步回復正常面授上課,並會為學生提供茶點,然而疫情反覆,加上近日爆發上呼吸道感染個案,學校因而再發通告表示會取消茶點。

沒想到部分同班家長得知消息後卻感不滿,「又話灰咗呀,小朋友好期待呀」,指早已對子女說上學會有茶點,如突然沒有的話會失望,「唔係一次半次客套嗰啲好失望呀,係講到好驚天動地唔知小朋友點反應」。港媽直言難以理解相關想法:「𠵱家防疫呀!我好多謝學校咁快作出反應呀,你哋個仔女返學為咗茶點㗎?佢失望你咪解釋返係咩原因囉,好難咩?」

有家長得知學校取消生日會,在家長群組大呻校方的安排令子女非常失望。(資料圖片/ Getty Images)

她續說,學校原本安排了今個月舉行生日會,但最終因停課而被迫取消,同班的家長得知消息亦再次表示失望,「我唔知呢類阿媽諗乜!係咪無生日會個人唔識大一歲?茶點同生日會緊要過健康?」。港媽大呻,留在家長群組並非想與其他父母打交道,每次看到相關訊息都感到十分煩厭,「想聽下有咩學校嘢,唔係想聽佢哋個人感想,亦都唔係話quit就quit」。

帖文引來一眾家長網民熱議,有人批評相關家長缺乏警覺性及危險意識,「其實啲人明唔明防疫大過天」、「疫情當前無茶點無生日會好合理,健康最緊要,事無大小都無病呻吟乃庸人自擾所為」、「叫佢哋咪癲啦,衰啲講茶點唔食有幾閒,一陣食出個禍嚟元寶蠟燭都有份食呀」。

+5

不過也有不少網民認為,相關家長只是發牢騷,並非不明白防疫目的,反指港媽過分上心,「純呻下啫,話晒之前大半年都停課,𠵱家又因為多人病再停課,我相信唔多唔少都會唔開心同失望」、「如果小朋友咁啱碰到自己生日嗰個月冇得開,都會少少唔開心嘅」、「大家都係媽咪傾下偈,唔鐘意聽咪退谷,唔使下下咁認真」。

同場加映:日本學校復課的防疫措施▼▼▼

日本全國中小學於上周開始復課,不少學校加強防疫措施。(神戶新聞視頻截圖)
+3

同場加映:港媽分享子女駁嘴金句 頂心杉句句嘔血:冇我你又點會有母親節

+21

同場加映:網民熱議阿媽奇怪邏輯 乜病都係因為夜瞓 有句話做仔女一定聽過

+11