初踏職場狂買名牌欠15萬卡數 港男揭細佬只還min pay:驚佢破產

撰文:
最後更新日期:

所謂「人靠衣裝」,端莊打扮的確能給人好印象,但為了外表而欠債累累實屬不智。有網民於討論區求救,指發現剛入職場的弟弟因怕被人「睇唔起」,購入大量名牌衣物及手錶裝身,欠下約15萬元卡數,每月只能繳付「最低還款額」卻認為沒有問題,擔心對方低估問題,長此下去或有破產可能。

有網民指剛踏職場的弟弟因怕被小看,竟花費十多萬買名牌置裝,擔心對方未能償還卡數最終會破產。(《大債時代》劇照)

下載「香港01」App ,即睇城中熱話

「我真係好驚佢再係咁會破產,但係又唔好意思管住佢。」該網民早前於香港討論區發文,指弟弟近日踏入職場,任職後勤部門員工,剛上班便花費約6萬元購買名牌衫褲,「成日話返工要牌頭,唔係會俾同事睇唔起」。樓主以為弟弟能負擔便沒有理會,但後來發現弟弟再買了一隻名貴手錶,「我開始有少少驚,問佢還唔還得起,佢又話冇問題」。

樓主意外拆開弟弟的信,驚覺對方欠下十多萬元卡數。(《大債時代》劇照)

後來樓主在家發現一封已拆開的銀行信件,打開一看才知道是弟弟的信用卡月結單,驚見弟弟原來欠下約14至15萬卡數,而且每月也只繳付「最低還款額」,「利疊利都唔少錢」。

樓主表示曾告訴弟弟卡數利息容易愈滾愈大,可是對方仍然覺得無問題,「佢成日都話還到,又話唔買嘢搵到錢要還好簡單,但係十幾萬唔係小數目」。他直言擔心弟弟低估欠債問題,最終有破產可能,「我可以幫到5、6萬,但係見佢咁碌法,我好驚佢一陣卡數還卡數,真係要破產,好大影響」。

樓主表示曾告訴弟弟卡數利息容易愈滾愈大,可是對方仍然覺得無問題,令他非常擔心。(《大債時代》劇照)

帖文引來網民熱議,有人認為樓主及家人可先協助弟弟還債,再教導正確的理財態度,「不如現在先幫他還五六萬,至少減少些利息」、「你講佢又唔聽唔面對現實,最尾一定要撞板先識停,可能真係要搵屋企人商量下點處理,最緊要係佢要面對現實」。

亦有人認為,樓主毋須將弟弟欠債的責任放於自己身上,直指如對方不明白欠債的嚴重性,只會重蹈覆轍,「就算自己細佬都有底線,你幫得佢幾多次?最緊要佢要醒覺,下下有人幫佢還,佢唔會覺得係一回事」、「要搞呀真係!你鍚佢一回事,當佢欠債、破產,一次又一次,你受唔起㗎」。

爸爸失業無力供樓 港女呻一畢業要揹10年樓債:放棄人生幫佢還?▼▼▼

+4
+4
+4

上網找卡數撳錯掣!台女一秒蒸發18萬崩潰 網民教一招慎防中伏▼▼▼



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。