急急腳提款卻忘了拿錢？有熱心女生日前見到有市民提款後忘了拿錢，想提醒之際「部機吞咗啲錢」，可惜那人已離去，她頓感「難幫」。惟不少網民留言，指如果一時好心取出現金隨時「有手尾跟」，其實最好方法是等候櫃員機收現金收回，「千祈唔好懶好心拎（錢）出來，唔係佢報警都有排搞」，就算拿出現金交到銀行，也會被告知「由佢食返就得，佢會加返落拎錢個戶口」，又指櫃員機約1分鐘內就會收回鈔票。

樓主在Threads發帖，稱有人提款後忘記拿錢，「親眼見到有條友唔記得攞錢就走咗」。片段所見，該部銀行櫃員機有張100元鈔票吐了出來無人領取，正發出「嘟」聲及閃綠光，但銀行卡已被取走，數秒後鈔票被回收入櫃員機內。

目擊櫃員機吞錢：條友已經走咗，難幫

樓主形容「部機吞咗錢，我發現嘅時候條友已經走咗，難幫」。不過，許多網民提醒不要「熱心」幫助取出鈔票，可能「有手尾跟」、「呢啲唔好多手，到時話少咗張就大鑊」、「千萬不要攞畀物主，畀唔畀到都有麻煩，有cam㗎」、「我試過衰多手拎咗、點知嗰個人轉眼就唔見咗，結果我要拎啲錢去警署報案，搞咗兩個鐘」。

網民分享經歷：由佢食返就得

網民提醒遇此情況別取出現金才是最佳做法，「唔好拎走係最好，銀行會跟到」、「吞返過幾日會自動入返戶口」，又指試過取錢後到警署，警方未有落案，轉到銀行會幫忙填表找失主，「其實由佢食返就得，佢會加返落拎錢個戶口，係𠴱次之後先學識」。

有網民好奇到底提款機要多久才會收回現金，有留言指「我估1分鐘左右，因為上星期我試過追出去追個叔叔叫佢返嚟，嗰度係上落電梯，佢上返嚟一層大約30秒到我睇到佢走嗰陣又係30秒左右，佢上到嚟啱啱部機吞返啲錢」。