男子講日文扮趕飛機 喊晒口借$200搭的士 港女被騙揭震撼真相

撰文:安祖娜
出版:更新:

【騙案/的士/日本人】騙徒手法層出不窮,但舊橋重用也總有人中招!有網民昨日(21日)於連登討論區訴說被騙經歷,指行經旺角時遇到1名講日文的男子要求帶路前往朗豪坊,其間表示要乘巴士趕飛機返回日本。樓主提醒對方趕時間下乘的士更安全,惟對方截車後突表示不夠現金,「喊晒口」向她借200元作車費,並留下電話表示必定會還錢。樓主事後才生疑,並發現自己被騙,原來同一技倆早於13年前已有人遇過。

有網民指於旺角遇上自稱日本遊客要求借錢乘的士趕飛機,好心幫忙後才發現對方是騙徒。(示意圖,資料圖片)

下載「香港01」App,即睇城中熱話

「首先我認自己係弱智onX咁都可以中伏」,該名連登女發文分享被騙經過,提醒大家「小心趕飛機嘅日本人」。她稱昨晚大約7時許,於旺角遇到1個年約35歲「講日文嘅人話唔識路去朗豪坊」,故好心帶對方到目的地,對方稱打算到商場附近乘搭E21機場巴士,希望趕上晚上8時半的航班返回日本。

樓主提醒對方「巴士會趕唔切」,建議他乘搭的士,惟截到車後,「日本人」突然表示身上只有150元現金,「然後捉住我隻手又喊晒口問可唔可以借200蚊,話之後還返畀我」。她指「日本人」於前往商場途中曾給他日本電話,又指對方「真係好似日本人,起碼佢全程冇講過半粒廣東話,英文聽落都係日式英文」,故沒有生疑,決定為人為到底借出車錢。

樓主提醒「日本人」於旺角乘的士才能趕上航班,好心借出車費才發現中招。(資料圖片/歐嘉樂攝)

事後她回想才覺「唔對路」,「我有問佢有冇Uber,佢話冇,嗰下其實我應該要醒水,正常一個人去旅行身上點會得返百五蚊」。搜尋對方的電話資料後,她才驚覺自己被騙,「睇返原來一早有人中過伏,仲要係10年前嘅技倆,2021年應該得我先會咁弱智會借錢畀陌生人出機場」。

樓主怒批騙徒「呃人哋同情心去揾食」,又指對方的流利日文的確會令人較易放下戒心,不禁慨嘆:「如果係真日本人我冇所謂,我都試過差啲趕唔上飛機嗰種feel,但係呢度係香港,我其實唔應該信任何人,唯有當睇咗場戲,佢扮得好落力。」

被騙的樓主感到憤怒又無奈,直言騙徒「落足力」,又承認因對方說流利日本而放下戒心。(資料圖片)

翻查各大討論區資料,原來早於2008年已有網民遇上該名懂流利日文、自稱「Eddie」的騙徒,每次都會於旺區如銅鑼灣或旺角等候機會,問途人乘搭機場巴士的位置,其後便會以趕飛機但身上欠缺足夠現金為由,提出借200至300元以改乘的士,同時會留下電話或電郵等聯絡方法以博取信任。相關手法沿用至今, 1年前亦有連登網民表示中招,相信騙徒不斷故技重施,相信騙徒近日仍在「搵食」。

不少網民同情樓主遭遇,指對方早有準備,而且多年來仍沿用同1招數,「睇中香港人崇日心態」、「你俾佢呃,證明你係有同理心嘅人,會企喺其他人角度為佢處境而擔憂」、「呢條友職業就係騙徒,仲可以呃足十幾年先好嘢」、「Eddie哥呃咗咁多年,啲錢應該夠佢買機票去東京」。

翻查資料,原來該名自稱「Eddie」的騙徒早於2008年已利用同一手法騙財。(資料圖片)

不過也有人認為疫情下根本不常遇到遊客,樓主太易信人才會被騙,「以前嘅話都可能信,而家仲有遊客咩」、「提提大家,日本免簽入香港得90日,日本遊客應該一早走晒,如果工簽學簽商務簽邊得閒偷呃拐騙」、「遇到佢又或者見到其他人遇到佢,一於搵佢破綻踢爆佢,等唔好再有人被呃」。而樓主亦無奈表示「唔會有下次,以後有人問路都唔會再跟佢去」。

【同場加映】港女遇「外籍機師」搭訕 贈葉劉玉照展開爆笑對話 對方咁樣反應(點圖放大閱讀)👇👇👇

+17

有網民就教路1招必定能悉破網上騙徒,「試下send家燕媽媽畀佢,如果佢話你正就係騙徒」。有人則根據對話截圖上的電話號碼,傳訊息給「機師」爆大鑊,直言要「連登仔集體反擊班詐騙集團」👇👇👇

【同場加映】傷殘伯伯稱誤將$500當$20付的士錢 批司機無良欺騙:你良心在嗎👇👇👇

+6

【同場加映】最笨「聯合國騙徒」遇着惡搞高手慘被玩返轉頭(點圖放大閱讀爆笑對答)👇👇👇

+40
你可能感興趣