好友買虛擬貨幣即遇跌市 愈溝愈跌勁崩潰 連登仔:點安慰佢好?

撰文:卓柏安
出版:更新:

【Bitcoin / 虛擬貨幣 / 以太幣 / BTC / ETH】虛擬貨幣昨晚一度大跌,令持貨人士一度陷入恐慌!有網民在討論區上發文,指剛滿18歲的朋友幾天前花約1至2萬入市購買虛擬貨幣,不料剛好遇上幣災,而且愈溝愈跌,感到十分崩潰,請教網民可以如何安慰好友。

虛擬貨幣近日突然大跌,令不少持貨網民都表示中伏。(視覺中國)

下載「香港01」App ,即睇城中熱話

網民以「是咁的,我有個朋友早幾日入咗幣市」為題發文,說朋友今年3月才夠18歲,剛剛開設了1個虛擬貨幣戶口,並在本周開始投資虛擬貨幣。樓主說朋友最初頭幾天都十分快樂,皆因「都叫做有一、兩百蚊港紙賺下」。

直至特斯拉執行長馬斯克(Elon Musk)在twitter中多次提到虛擬貨幣之後,虛擬貨幣價格就開始下跌,「咁我個Friend見要輸錢,當然係溝貨啦」,提到自己持倉包括有ADA、ETH、DOT、XRP、BTC,「當然每樣都唔係買咗好多,始終學生哥」,更上載照片笑指「佢好弱智咁樣人手記低咗」。

樓主上載好友購買虛擬貨幣的紀錄。(連登討論區圖片)

惟樓主朋友溝貨後虛擬貨幣跌勢未止,更急忙發訊息指「X街,我點算,4000已無,溝咩好,隻隻都唔掂,溝BTC定ETH好啲?」。樓主就回應指「建議留返啲錢溝女,而家仲溝真係好癲」。

樓主指好友「而家好崩潰」,想知應該如何安慰他,及好友應該如何部署。他又指好友是燈神,自己都身受其害,「被佢燈親,好彩我主要玩港股,佢遲啲仲話要玩美股添」。

網民留言指趁年輕時多交學費,「好過遲下大本金輸餐勁嘅」,亦有人表示2萬元其實不多,「返一個月工都唔使就回返血」,不過亦有網民笑言樓主對朋友實在殘忍,「你仲公開佢,踩多兩腳」。樓主最後提到,好友在看過大家的留言之後,表示「SH唔驚,正幣驚X」。

請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:Elon Musk停收Bitcoin比特幣|幣災來臨? 印度神童最新咁講…【點擊下圖放大即睇內容 ▼ ▼ ▼】

Elon Musk停收Bitcoin比特幣|幣災來臨? 印度神童最新咁講…

即睇Bitcoin跌成點+印度神童對Bitcoin看法▼▼▼

+8

印度神童2類產品投資建議!呢類產品勿投資▼▼▼

+12

同場加映:香港股民秒懂的23個術語!排隊上IFC做乜?連登契媽點解變阿木?【點擊下圖放大即睇內容 ▼ ▼ ▼】

香港股民秒懂的23個術語!排隊上IFC做乜?連登契媽點解變阿木?

常用股票術語:詞語篇【點擊下圖放大即睇內容 ▼ ▼ ▼】

+13

常用股票術語:名言篇【點擊下圖放大即睇內容 ▼ ▼ ▼】

+7

常用股票術語:人物篇【點擊下圖放大即睇內容 ▼ ▼ ▼】

+12

同場加映:連登仔分享投資語錄 股神巴菲特睇完都嚇親?【點擊下圖放大即睇內容 ▼ ▼ ▼】

股市續跌連登仔分享投資語錄 股神巴菲特睇完都嚇親?
+5