見工遲到2分鐘 求職者指HR電郵寫錯地址 職員黑面1句鬧返轉頭

撰文:安祖娜
出版:更新:

為了給人好印象,見工面試當然早到較好,但若能提供合理解釋,相信對方也會理解。有求職者於討論區大呻,指早前前往見工時「搵極都搵唔到座嘢」,致電公司確認才發現職員於電郵內寫錯地址,最終他遲到2分鐘才到達。樓主解釋原因後不但未獲體諒,人事部職員更黑面責難,令他怒極表示:「請我都唔會做!」

樓主大呻見工時因找不到公司地址而遲到2分鐘,其後發現公司提供的地址出錯,解釋後卻遭人事部職員責難,感到非常不滿。(《未生》劇照)

下載「香港01」App,即睇城中熱話

「見工HR畀錯地址,仲要串我遲到!」該求職者早前於香港討論區發文,稱上周前往見工時,一直找不到公司所在的位置,「我自己都有開google map去查,就係查查下唔對路囉」。他致電確認後才發現,公司於通知電郵上提供的地址「寫錯咗大廈number」,於是比預期花了更多時間才找到正確位置,導致遲到2分鐘。

樓主指,到達公司及填表後,1名人事部職員「黑晒口面」指責:「你遲到喎!」他遂解釋因電郵上提供的地址出錯,才會找不到公司位置導致遲到,沒料職員即時反駁:「我寫你就要跟?你可以自己查清楚!」其後更直斥樓主的解釋是遲到的藉口。

樓主自白全文:

+9

職員的回應令樓主非常憤怒,他指最終「in咗10分鐘就走人」,不忿稱「佢都黐線!你講嘅資料有錯仲要鬧返我轉頭,一睇就知唔係咩好公司!惡人先告狀」,又憤言「請我都唔會做!佢咩態度」。

帖文令網民嘖嘖稱奇,有人認為無論責任誰屬,人事部職員亦不應以惡劣態度對待求職者,「見工不代表係要求人畀工作,可以係平等的,可能唔請樓主係間公司損失,咁做乜要委屈接受不合理對待」。有人則指事件已反映該公司的運作情況並不理想,「呢啲公司就算請都唔做啦,見工咁簡單,自已畀錯地址人仲可以話返人。就算入到去做,日後其他嘢佢自已做錯都可能屈人哋,搵過份好過」。

樓主認為事件問題並非在於寫錯地址,而是職員毫不尊重,將所有責任推卸到他身上。(《未生》劇照)

不過也有網民認為,樓主見工前應做足準備,及早了解公司地址,以免出現如此突發情況,「連間公司係咩料、地址喺邊都唔search下做功課就去見工,HR有錯都好,是否應該先檢討下自己」、「有時做人要有少少技巧,遲到係客觀事實,畀錯地址都係街頭變街尾,去陌生地方只預早5至10分鐘,下次就知唔夠,同要盡早打電話」。

樓主則堅持事件並非在於寫錯地址,而是態度問題,「事實上HR係有錯,既然知道自己畀錯地址,其實佢好聲好氣講返聲Sorry,我自然都會sorry返自己遲咗,互相尊重,但而家係不尊重在先,佢自己都係打工,唔係老闆,唔係佢出糧畀我」。

見工遇到令人無奈的事時有發生,有公司會以考驗情商為由,讓求職者在辦公室呆等1小時45分鐘▼▼▼

+3
請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:求職者超有自信 「金句王」見工一開口嚇窒面試官:叫我X哥

求職者超有自信 「金句王」見工一開口嚇窒面試官:叫我X哥
+1

Facebook專頁「奴工處」早前刊登一篇投稿,撰文者指自己到一間體育用品公司市場部見工,被負責面試的中年女士足足罵了5分鐘:

見工鬧足5分鐘 遭揶揄後生兼溫室長大 港男嬲爆反駁(01熱話製圖)
+4
你可能感興趣