阿媽教初夜前要收2000元禮物測試男友 港女拒絕竟被批「冇鬼用」

撰文:安祖娜
出版:更新:

發生任何關係的前提是彼此同意及出於自願,身體絕對不應被用作交易的籌碼。有港女於討論區發文,表示與男友同為對方的初戀,僅交往約2個月,但媽媽已不停對她「思想教育」,指兩人發生關係前應先要求男方送出價值2000元的禮物作為測試。港女對媽媽的「教導」感懷疑,反被媽媽狠批「冇鬼用」,指她沒有利用「青春本錢」選擇好的對象。

港女指媽媽的「思想教育」令她大感懷疑,表明不希望測試男友,沒料被媽媽批評。(《BB來了》劇照)

下載「香港01」App ,即睇城中熱話

「係我唔識諗,定我阿媽諗歪咗?」該名港女於Dcard討論區發文,表示與男友已交往約兩個月,「大家都係對方初戀」。媽媽得知她拍拖後,突然對她「思想教育」,要求她與男友發生關係前先作測試,看看對方是否值得,「方法就係要佢買份$2000嘅禮物畀我」,若男友不願意就不應發生關係。

媽媽又分享「個人經驗」,指爸爸婚前已上繳全份薪金,又處處滿足她的需要和要求,「阿媽有一次想同朋友一齊去旅行,我老豆問公司借成個月糧,死慳死抵都要畀我阿媽去到旅行」,媽媽因而才願意與爸爸發生關係。

媽媽認為港女與男友發生關係前,應先要求對方送贈2000元的禮物作為測試。(《BB來了》劇照)

港女明言短時間內不打算與男友發生親密關係,「同埋我覺得要佢買貴嘢畀我,好似我好貪錢」。不過媽媽卻認為不應便宜了男友,「又話『妻不如妾,妾不如偷』,唔同男朋友扭下計,一味同佢捱世界,佢唔會珍惜我」。

媽媽見港女仍不願測試男友,不禁狠批她「冇鬼用」:「𠵱家有青春本錢都唔揀下好男人,第時30歲人求其搵個男人嫁,貼埋大床畀你好冇!」港女又指,媽媽認為若她事事遷就,將來結婚生兒育女後也只能靠自己,「第時結咗婚,我(港女)要捱生捱死,我生咗仔返唔到工,佢(男方)都唔會養我同阿仔」。

媽媽得知港女不願測試男友,不禁狠批她「冇鬼用」。(《BB來了》劇照)

帖文引來網民激烈討論,紛紛批評港女的媽媽價值觀嚴重扭曲,「如果佢話親密要收禮物,咁同做妓女有咩分別?佢當自己個女係妓女?」、「好彩當年你老豆唔知情,如果佢知,我諗你未必會喺到,攞人真心嚟試水溫冇好結果」、「呢樣係極度父權嘅想法,女性用身體、性去換取男性提供嘅資源,你真係照做嘅話就跌入呢個trap(陷阱),男朋友分分鐘都覺得原來你有錢有物質就搞得」。

亦有網民認為,媽媽提出的方法或有問題,但出法點只為保護女兒,重要的是港女發生關係前必須考慮清楚,「其實最重要應該係睇下佢平時對你夠唔夠好,可能物質上加心理上,而非特登暗示要禮物去證明真心」、「你媽嘅意思係等價交換,佢畀2000蚊買你第一次。唔可能話佢錯,只可以講大家價值觀唔同,但你大個女啦,你自己應該有建立一套屬於自己嘅三觀系統,你覺得咩係啱咩係錯,自己知就好」。

同場加映:女友認出軌兼發生性關係 男方被戴帽感崩潰:佢哋喺我屋企張床做

女友認出軌兼發生性關係 男方被戴帽感崩潰:佢哋喺我屋企張床做(01製圖)
+12
+5

同場加映:PTGF示愛求做正式男友 軟飯男開供養條件 網民疑作假:夠鐘食藥 ▼ ▼ ▼

PTGF示愛求做正式男友 軟飯男開供養條件 網民疑作假:夠鐘食藥
+1

同場加映:港媽打過百針終受孕誕第2胎 坐月半個月揭老公包養PTGF超崩潰 ▼ ▼ ▼

港媽打過百針終受孕誕第2胎 坐月半個月揭老公包養PTGF超崩潰
+12
你可能感興趣