港女大爆內衣店黑幕 強行較鬆緊頂替斷碼bra 出口術氹客讚啱身
胸圍是女士們每日也會穿着的貼身衣物，尺碼及款式對穿着舒適度有極大影響。有曾任內衣店店員網民日前匿名發文，踢爆店舖的黑暗銷售內幕，稱有店舖會在網站大量購入平價貨，再以高達10倍的價錢出售。最離譜是當特定尺碼缺貨時，店方會要求店員以各種理由讓客人試「類近碼」，再「出術」協助調較鬆緊，令客人相信尺碼合適，直言任職不久便決定離職，「平生都未試過講咁多大話」。
該名女網民投稿至facebook專頁「奴工處」，表示曾於女性內衣店任職店員一段短時間，形容公司「一入職就教我哋點講大話」。她指公司往往從淘寶網「入貨」，再以標高10倍、甚至以上的價錢，將原本一套的內衣褲拆開出售，「賣成幾百蚊一個bra，100蚊一條底褲，但係喺淘寶淘返嚟，最平20蚊人仔有交易，皇牌款100蚊有交易，重要人哋係1 set嘅價錢嚟」。
除此之外，令她最難接受的就是工作期間要不斷誤導客人，「平生都未試過講咁多大話」。她指若合適客人的尺碼缺貨，正常情況理應是讓客人試穿類似款式的同一尺碼，如合適再向其他分店查詢並代為訂貨。不過該店的做法卻不一樣，店方要求店員先讓客人試「類近碼」，例如相差1級的罩杯或相差1吋的尺寸，「同佢講：『我哋呢個款偏緊/鬆，你試下呢個碼啱唔啱先？』」。
當客人試身後，店方要求店員按客人形容的情況代為調整，實則卻是「出術」，「隔一陣就懶nice問佢着好未，我哋幫佢調整下睇下。事實上係客嫌緊，我哋就較鬆條帶；嫌鬆就較緊條帶、扣入1格」。樓主指曾遇過有客人試穿最小的尺碼仍覺太鬆，同事竟「直接較到最緊再將成個bra向後拉，然後勁讚啱碼」，令客人信以為真，「個客好開心咁買咗幾個走」。不斷誤導客人的經歷令樓主難以接受，最終「做咗冇耐就走咗」，不過她也指出，涉事內衣店現時已「全線執晒」。
帖文引來網民討論，不少女生恍然大悟，發現過去或曾被店員以類似方式誤導，「唔怪得成日買咗返去都唔啱，明明試嗰陣都ok」、「而家先知偏緊偏鬆係咁解」、「有試過俾啲sales點咗我買，冇我碼夾硬話啱我，買咗返去，圍太鬆杯太細」。
有人則認為店方標價過高並無錯，只要客人願意購買便無不妥，前提是店員不應刻意誤導，「其實做sales最難係喺公司同顧客利益之間取到平衡，完全企公司嗰邊好難有回頭客，企晒客嗰邊公司聽執笠，點present畀客又保持客觀真係唔易」。
同場加映：富貴男買$50萬卡地亞手鐲 被店員嘲「買不起高級珠寶」激到入院