除夕Party Room倒數 友人靜靜雞轉場仲走數 Cheap爆1句辣㷫搞手

撰文:安祖娜
出版:更新:

大時大節籌辦派對,為的就是與朋友們盡興一番,一眾「Party搞手」實在功不可沒。近日有網民發文大呻,指除夕晚上特意訂了Party Room(派對房間),與一共11名朋友打邊爐倒數,為了方便大家更不介意墊支食材及酒水費用。沒料派對當晚友人飲飽食醉後,竟以不同原因悄悄轉場消遣,其後更集體「走數」拒絕承擔費用,令樓主相當憤怒,直斥:「點解做人可以做到咁肉酸咁Cheap?」

有網民發文大呻,指除夕夜訂了派對房間打算與友人倒數,更預先墊支食材及酒水費用,沒料友人竟自行轉場,事後更集體「走數」。(《春嬌救志明》劇照)

下載「香港01」App ,即睇城中熱話

該名網民昨日(1日)於Dcard討論區發文,指除夕夜相約大班朋友到Party Room慶祝,身為搞手的他已墊支場地訂金,又預先為大家購買酒水及火鍋食材,「所有錢都係我出咗先,諗住完晒先計每人AA(制)幾多錢」。

樓主指當日大家也玩得很高興,沒想到派對竟然荒謬收場,「我哋一行12條友,去到凌晨3點嘅時候得返5條友喺到,其他人完全失蹤咗」。他憶述朋友們利用不用理由如「去廁所、嘢飲唔夠要去買、出去聽個電話」,外出後便沒有回來,更一直未能聯絡。後來他才發現原來朋友早已轉場消遣,「最後喺其他friend嘅ig睇到佢哋成班自己去咗酒吧玩」。

朋友們利用不用理由提早離場,一直未能聯絡,樓主才發現原來朋友早已轉場消遣,感到憤怒又心淡。(《春嬌救志明》劇照)

事件令樓主憤怒又心淡,認為友人離開前大可坦白,「算數喇,你哋走都講聲呀」。至昨日他計算好費用,要求朋友「夾錢」時,對方竟說出超過分的1句:「我地都冇玩晒全場,點解要畀?」花心機籌備派對的他聞言不禁「懷疑人生」,直斥「點解做人可以做到咁肉酸咁Cheap?有份食有份飲有份玩,竟然可以講出句咁嘅說話!」,只好自我安慰,「幾千蚊睇清咗呢班人,都抵嘅」。

事件引來網民共鳴,紛紛為樓主感不值,狠批出席派對的「友人」非常無恥,「幾多歲啊,咁樣好肉酸」、「無恥到咁嘅fd都真係第一次聽」。亦有網民建議樓主向友人追回已墊支的費用,「既然冇friend做,幾大都追齊數先,點解要蝕畀佢哋」、「佢咁玩就同佢哋計返鐘數收錢囉,唔好蝕畀班X街」、「搞手真心慘,我上次都係自己貼幾千蚊出嚟搞」。

同場加映:新人擺酒開40圍花式走數 「三角債」做借口 網民傻眼:極品夫妻【點擊下圖放大即睇內容 ▼ ▼ ▼】

結婚擺酒,數百人食飽飲醉後居然可以走數?河南有酒店職員向內媒投訴,指上月30日一對新人擺結婚午宴,包下40圍酒席後,以各種理由不結賬,最後新郎父親說回家拿錢,新郎隨後竟然跑掉。職員原本只收到3000元(人民幣,下同)訂金,事後「追魂Call」才迫得新郎多付了5000元,但尾數仍無着落,唯有向內媒求助。新娘之後突然發來1個手機號碼,對方是新郎的好朋友,他竟然反斥酒店老闆的外甥欠他錢,所以新郎才不找數。這個解釋令網民傻眼,質疑結婚擺酒都可以走數,「吃飯要付飯錢,誰借錢誰還」,直斥走數和追債是兩碼子的事,在大喜日子竟可混為一談,實在是混帳!

河南一對新人擺酒開了40席後竟然沒有付尾數就走掉。(民生頻道微博影片截圖)
+4
你可能感興趣