落雨買飯盒要求店員遞上車 港女不滿加收外賣價 網民反嘲西客

撰文:安祖娜
出版:更新:

近日天氣寒冷有雨,加上疫情嚴峻及禁堂食措施,外賣成為不少人解決三餐的方便之選。有網民日前發文講述買外賣飯盒的「中伏」經歷,指駕車到葵涌一家餐廳購買外賣燒味飯時,因沒帶雨遮而要求店員將飯盒遞到車窗交收以免濕身,不過店主指遞出門口已當外賣送遞,故飯盒由外賣自取價32元一盒變成44元,加幅近四成,令她非常不滿,批評店方濫收費用。帖文引起熱議,有人認同樓主,指餐廳不應臨時更改收費,但也有不少網民認為樓主若不願付外賣費用大可自行取餐,「個個好似你咁啲阿姐服務得邊個?」。

有網民購買外賣燒味飯時,要求店員將飯盒遞到車窗交收,不過店主指遞出門口已當外賣送遞,故飯盒由外賣自取價32元一盒變成44元,加幅近四成,令她非常不滿。(資料圖片)

該名網民上周六(19日)於facebook「中伏飲食報料區」發文,指當日駕車到葵興一家餐廳購買外賣燒味飯盒,由於當時雨勢頗大,而她亦無雨傘在手,她遂問店員能否將飯盒遞到其座駕的車窗旁交收,以免濕身等待,「問個阿姐可否遞盒外賣出門口我一較低車窗就攞到,因為我無帶遮。阿姐話『當然可以無所謂』。而且間舖門口有簷蓬,遞岀門口嗰夥計係唔會濕身」。

不過數分鐘後樓主接到店舖來電,店員表示「老細話遞出門口都算係送外賣」,故其飯盒價錢需由自取價32元變成外賣價44元。店主的規定令樓主感到不滿,直斥店方濫收費用,「我平時都叫開呢間送埋外賣都係加飯盒膠袋錢,好合理呀!無話好似今次咁要加成4x%,只係遞出嚟都算係送外賣?唔係嘛!我平時幫襯開佢外賣都無講過要收錢,而家咁樣無故濫收人錢公道嗎?超無奈!離晒譜!盒飯唔要喇!燒味老細你自己食埋佢啦!無下次唔會再幫襯!」。

店主的規定令樓主感到不滿,直斥店方濫收費用。(資料圖片)

帖文引起網民討論,有人認同樓主,認為店員答應後才更改收費不公道,「間鋪唔啱啦,拎一拎出門口行兩步要收多人10幾蚊,離晒譜」、「一開始個呀姐話冇問題,一係你就一開始同個客咁講」、「公道啲講,你要收$44唔係問題,一早講明,咁咪落車拎」。

不過更多網民卻認為,樓主若不滿餐廳收取外賣費用大可自行落車取餐,而非要求店員送到座駕,「如果門口有簷蓬又唔會濕身,咁點解你唔自己走入去攞呢?你可以同佢講入返嚟攞咁咪唔使當送外賣?」、「你而家要阿姐擔遮,專登離開鋪面,行出門口行去路邊交畀你,老細要收貴你,好正常吖」、「個夥計又要遞飯又要收錢,又真係好似麻煩咗啲,我諗其實間舖都係想樓主乖乖地入去畀錢攞外賣」。

外賣員落車10秒 第一城鎖車隊半分鐘完工 網民嘆:搵食咁艱難

近日網上再有沙田第一城鎖車片段,有網民看到1輛電單車停下不足1分鐘已被鎖,外賣員爭辯不果。(fb群組「車cam L(香港群組)」影片截圖)
你可能感興趣