女友出國讀書父極慷慨　邀男友同行送樓送車：話當幫佢照顧寶貝女

知識改變命運，出外留學與否，隨時影響日後的職場仕途。1名年約20歲的港男最近就在網上分享，指女朋友打算到美國升學，本來已打算要「Long D（遠距離戀愛）」，不料女友的父親竟問他是否願意一起前往，希望他當幫忙照顧愛女，更明言「會買間屋同車」使費完全不用憂心。港男陷入兩難，一方面擔心無法適應新生活，另一方面又想見識一下，最終決定答應女友家人的要求。

下載「香港01」App，即睇城中熱話

樓主在連登討論區以「女朋友屋企人想供我去外國讀書」為題發文，表示女友準備到美國洛杉磯升學，他一心打算要遠距離戀愛，但不久卻收到女友父親的來電，問他是否願意跟隨女方一起到外國，甚至為他支付學費。樓主稱，女友父親因為放不下「寶貝女」獨自在外地，便希望他代為照顧，「話會買間屋同車畀我哋，使費完全唔使擔心」。

由於事出突然，樓主一下子難以決定，深怕到洛杉磯後人生路不熟，難以適應，而且「未結婚就使佢屋企人咁多錢好似唔係幾好」。不過，後來樓主再於帖文留言，指已經回覆女友的父親，表示會與女友一起去美國，對方亦稱會好好安排，叫他不必擔心，「佢都叫我趁後生出去見識下，希望我唔會後悔𠵱個決定」。

帖文立即引起熱議，不少網民直言機會難得，認同樓主接受邀請「條數計落點都有so，呢單deal係真係有利，利申永遠講錢多過感情」、「咁大好機會都唔去正傻仔，一來移民機會，二來海外學歷，唔使喺香港咁大壓力」、「Uncle有錢供一定係去㗎喎」，但也有網民提醒樓主小心是未來岳父設局，「樓主屋企係咪好窮，其實係想試你」、「要咗無得分手，你諗你」。

同場加映：港媽為子女教育欲移民　聞老公留港寧離婚　網民：孩子想點最重要【點擊下圖放大即睇內容 ▼ ▼ ▼】