隔籬有DSE考生!暖心鄰居停裝修兩星期助備戰 網民:好人有好報

撰文:李納德
出版:更新:

遠親不如近鄰,DSE考生有好鄰居都是一大助力!香港中學文憑試(DSE)已開考,有網民日前於fb裝修群組分享,鄰居子女是應屆DSE考生,希望他可以暫停裝修兩星期讓孩子專心備戰,他和裝修公司商量後都願意配合,笑言明白裝修好滋擾人,「不如停2星期畀佢哋專心溫書, 好過之後埋怨我哋一家一世」。許多人祝賀他「好人一生平安」。有家長認同今屆DSE考生壓力更大,如果本身鄰里關係好大可幫忙。

有網民分享最近暫停裝修兩星期,好讓鄰居仔女專心備戰DSE。(示意圖/Getty Images)

下載「香港01」App ,即睇城中熱話

樓主在fb群組「家居裝修分享谷」提問:「各位裝修業主們大家有冇呢排停一停裝修畀左鄰右舍專心考DSE?」事源隔籬鄰居希望他可暫停裝修兩星期,已經答應,裝修公司亦願意配合。帖文隨即被網民「好人一生平安」的留言洗版,形容樓主是好鄰居,更想起童年時「屋邨人互助精神」。

樓主解釋樂意幫手是覺得裝修的確很滋擾人,「上次拆牆打地台直情全層樓犯眾憎咁,而家隔籬個仔女考DSE,嘈到佢如果考衰咗就一世,不如停2星期畀佢哋專心溫書,好過之後埋怨我哋一家一世」。

有家長指應屆DSE考生壓力很大,受疫情等因素影響情緒困擾。(資料圖片)

有應屆DSE考生家長指,今年考生特別辛苦,「情緒都好困擾,6點半前要起來先做檢測,考試要戴口罩又不可以在考試時隨便飲水」,如果在家準備時撞正隔籬屋鑽牆裝修,痛苦難以想像。有網民笑言DSE失手不等於「衰一世」,但很可能會埋怨隔籬屋裝修,祝樓主好人有好報,屋企一定裝修得「超靚」。亦有部份網民分享自己也有配合鄰居要求,「樓下住戶BB下午12時至3時要睡覺,唔畀鑽野」及早前鄰居要ZOOM考試,和他提出某日暫停裝修,一樣有答應。

不過,也有網民質疑為何樓主隔籬屋的考生不能到自修室或戴耳塞,隨意要人停工還可能影響到裝修師傅生計等,「好老實講,如果鄰居有禮貌地要求,一切好商量,但如果聲大夾惡串串貢,就睬佢有味」,又說是否停工很大程度看看鄰里關係,「之前多人WFH都有人要求鄰居唔好裝修」。

事實上不是人人這樣好彩,有其他家長兒子備戰時撞正樓上裝修,也有媽媽大呻當年坐月時,「樓下全爆大裝修,拆牆嗰種刺耳聲音我呢一世都記得,用棉花塞住耳仔想阻擋個聲音,個心知道根本冇用」。

(fb群組「家居裝修分享谷」)