港媽買3球雪糕分開裝 不滿被收單球價怒投訴 店長耐心回應獲讚

撰文:安祖娜
出版:更新:

購買任何貨品前理應先查詢及核對價錢,避免任何爭拗。有港媽早前狂發多個訊息投訴沙田1間雪糕店,表示與家人購買3球雪糕,要求分開以2個杯及1雪糕筒盛載,惟事後才發現店方有售3球裝雪糕,兩者價錢相差約50元。店方接獲投訴後耐心解釋,指分開盛載的雪糕會被視為單球,份量亦會較3球裝多,強調並無多收金錢,惟港媽卻非常不滿,狠批店方是黑店,質疑銷售手法有問題,又大罵店員態度惡劣。店方事後貼出投訴對話截圖,不少網民也直斥涉事港媽是「典型西客」,又力撐店長回覆耐心有禮。

雪糕店「Mamma Mia Gelato」發文,表示有港媽早前以whatsapp投訴,購買3球雪糕要求分開以杯及雪糕筒盛載,事後才發現店方有售3球裝雪糕,被收單球價後感不滿。(fb「Mamma Mia Gelato」圖片)

雪糕店「Mamma Mia Gelato」昨日(5月3日)貼出客人對話截圖,表示有港媽早前以WhatsApp投訴,指在沙田分店購買3球雪糕,要求「分開裝2個杯1個甜筒」,由於其中1球為特別味道需加收6元,帳單共計141元。不過事後港媽發現,店方亦有售3球裝雪糕,價錢為83元,不滿店員未有告知而直接收取單球價,「我覺得你哋態度惡劣都算,而家係有欺騙成份又唔講清楚,即係成張單多收我$58」。

她質疑店方銷售手法有問題,甚至指「你哋同黑店無分別」。除此之外,港媽又指責店舖員工態度惡劣,「個樣唔耐煩、講嘢無問(尾)音」,認為店員解答問題時表現敷衍,又指索取外賣杯時被要求收取6元。

涉事分店店長收到投訴,解釋指店方的3球雪糕是以香蕉船造型容器盛載,但因港媽落單時已要求分開盛載,便會視為3個單球,而且3球雪球每球的份量會比單球少約25%,特別味道同樣需加錢,強調「唔係我為咗應付你而去創造呢個產品出嚟,並唔係你講點收錢都得」。店長續指,店方規定落單時如要求以外賣杯盛載毋須額外付款,惟額外的紙杯及外賣杯則要收費每個3元,餐牌亦有明確列明,「所以我哋亦唔係亂收費」。

港媽與店長對話全紀錄▼▼▼

+4

不過港媽對解釋並不滿意,轉而直斥店長態度不當,「你咁嘅態度都好有問題啦,咁串嘴!你間舖頭請着你哋班咁嘅人真係唔好彩,我畀咗錢就係顧客,你哋有責任去跟進返我投訴,去解答返我個異議,唔係講埋呢啲廢話」。店長繼續耐心回應,表示小店經營目的是令客人開心滿意,但並不代表「客人永遠是對的」,直指「我未有時間解釋任何嘢,已經俾你鬧到無地自容」、「我哋需要為員工負責任,佢無做錯嘅話我哋唔可以將所有責任歸咎喺員工度,唔係你話我哋錯,我哋就要承認自己有問題」。

店長指,事後已翻查閉路電視了解事發經過,認為員工雖無熱情招待,但亦非態度惡劣,並指港媽於取得雪糕後8分鐘才要求索取外賣杯,故店員才提出額外收費。他指出,每當收到投訴會向客人了解及解釋,「係我哋嘅問題絕對會處理或者退返錢畀客戶,但係今次事件只能說係誤會,而我哋都盡力解釋」。不過相關回覆最終未能傳達至港媽,「最後覆咗一大段,點知佢單剔block埋我」。

帖文一出引來熱議及轉發,不少網民批評港媽是「典型西客」,直斥她沒有了解雪糕價錢反諉過於人,又有人力撐店長回覆耐心有禮。(fb「Mamma Mia Gelato」圖片)

帖文一出引來熱議及轉發,不少網民批評港媽是「典型西客」,直斥她沒有了解雪糕價錢反諉過於人,「3球分杯裝就梗係計3杯錢啦!一開口就話人哋黑店,3分鐘就要人覆,又係顧客永遠是對的」、「明明有menu,個客又睇唔清楚仲責怪人,無理取鬧西客」、「自己買之前唔睇清楚,之後發現買3球平啲就發難,你估真係你係客就啱㗎咩」。

亦有網民力撐店長,大讚其回覆有理有據,而且面對惡言亦能耐心解釋,「店主回答非常好,值得學習」、「本身冇食過,因為呢樣嘢,我一定會去幫襯你」、「好慘!咁努力打咁大段嘢然後block咗你」。

同場加映:網購要求減價兼改交收地點 買家被拒即變臉抱怨 網民:唔使理佢

有港媽日前發文,指丈夫於二手拍賣網放售物品,過程中遇上1名買家要求減價及更改交收地點,被拒後竟即時變臉,不但嘲諷開價過高,更狂發訊息抱怨,批評回覆無禮,令樓主及丈夫也大感無奈。帖文引來網民討論,不少交易「老手」表示情況常見,直言毋須過份上心,「唔覆就得唔使勞氣」。

樓主丈夫與買家對話: