黃大仙男子疑捉野鴿 遭喝停即改口稱放生 街坊見鴿屍憂虐畜報警

撰文:安祖娜
出版:更新:

野鴿為不少社區帶來衛生問題,惟這並非容許虐畜的原因。有黃大仙街坊發文,指昨午(15日)在鳯德邨見到1名中年男子手持1隻野鴿,擔心之下即時喝停並質問原因,對方表示打算「放生」,並將野鴿扔到附近斜坡。樓主之後查看,竟見到該野鴿已經死去,而男子亦一度想折返斜坡位置,擔心對方有意捕捉,甚至虐殺野鴿,回家後決定報警備案,同時呼籲街坊留意。

有黃大仙街坊指在鳯德邨見到1名中年男子手持1隻野鴿,擔心之下即時喝停並質問原因,對方表示打算「放生」,並將野鴿扔到附近斜坡,不過樓主之後查看,竟見到該野鴿已經死去。(fb「黃大仙區友(黃大仙,新蒲崗,鑽石山,慈雲山......)」圖片)

「住附近嘅大家留意一下此人,下一次可能可阻止到此事發生!」該名黃大仙街坊於facebook群組發文,稱昨午發現1名中年男子在硃鳳樓對開的馬路附近手持1隻野鴿,「我沿路行見到佢單手捉住隻郁嘅鴿」,於是立即叫停並詢問對方動機。

男子被質問時表示打算「拎(野鴒)去放生」,但樓主感懷疑,遂稱「要放生就喺度放」。男子聞言便將野鴿扔上附近的斜坡,樓主離開時仍未放心,「我冇為意佢走咗就行開咗,但我回頭望,見佢返轉頭,我又即刻返轉頭」,認為對方似在等候機會折返,「佢見我唔走佢先走」。

樓主之後走近斜坡查看,竟發現野鴿「已經俾佢整死咗」,她懷疑男子早有預謀捕捉野鴿帶走,甚至有意殺害野鴿,經考慮後決定網上報警備案,但擔心警方未必受理,因此特意發文呼籲街坊留意相關情況。

帖文引來街坊關注,擔心有人畜意捕殺野鴿作不法用途,「有人給食物給白鴿,有人殺死牠拿回家煮食」、「睇相佢手揸住的鴿已經死亡,何解佢話放生,分明講大話」。

亦有街坊表示,留意到區內有疑似虐鴿事件發生,建議遇到同樣情況要即時報警,「前一兩日好大雨,喺鳳德我都見到有隻白鴿啲肉分開晒喺草叢邊,都估唔似意外」、「樓主做得好當場給予警告,下次可以嘅話請報警」、「可以備案先,如有下次事件再發生又被人捉到係同一人,你嘅備案都係證據之一」。

你可能感興趣