收CV驚見求職者是曾欺凌自己舊同學 打工仔感不安:見唔見好?
撰文:謝茜嘉
出版:更新:
欺凌是將自己的快樂建築在他人身上,被欺凌者的傷痛隨時跟隨一生。有打工仔於網上發文表示,日前他需要聘請1名下屬,人事部同事幫他選了3名求職者安排面試,他查看履歷表時,發現其一人是以前讀中學時曾欺凌過他的人,他當刻「個心突然有啲唔舒服有啲驚」。他向朋友訴說事件,有朋友認為「唔好見算」,也有朋友叫他照樣面試,可當面奚落及克服對方,但他並不太懂得奚落別人,因此迷茫地問網民:「如果係你,你會點做?」
有打工仔於網上發文表示,日前發現有名將會前來面試任下屬的求職者,是以前讀中學時曾欺凌過他的人,他當刻「個心突然有啲唔舒服有啲驚」。(《比悲傷更悲傷的故事》劇照)
該名打工仔投稿至fb專頁「奴工處」表示,該名中學同事當年曾「整爛我書包、搵嘢扔我、屈我偷嘢、踢我小腿等等」,當看到對方履歷表,他覺得有點不舒服及害怕,才驚覺原來過了這麼多年仍未能克服被欺凌的經歷。
有網民認為應該照樣面試及報復,「叫佢嚟做返三個鐘writing test,做完叫佢走唔使見,份嘢即刻拎去碎紙機」、「約佢上嚟,順便問下佢對職場欺凌有咩睇法+如果佢係受害者會如何處理」、「同hr一齊去見佢,唔使岀聲,淨係望住佢,如果佢認得你,佢應該已經緊張,呢個心理壓力都夠佢受」、「係上天畀個機會你去釋懷,用咩方式去見佢係你嘅選擇,隨你心情就可以,就算你奚落佢侮辱佢,都係佢應該要承受,就當係你哋各自嘅命運」。
不過也有網民認為不應勉強自己及成為欺凌者,「你覺得唔舒服就唔好見,因為見完之後最唔開心嗰個會係你」、「克服唔到咪screen走佢,唔使勉強自己嘅」、「唔好見啦,反正你都唔會請,無謂浪費自己時間」、「唔見,你叫得佢嚟,即係要佢難堪,咁你賺咗啲咩?get revenge and be happy?(報復和令自己愉快?)我驚你最後只會質疑自己,點解會做咗佢對你做的嘢,你心唔會平安,放低個CV最好」。